FLAUTAN OG JÓLIN - Flautan og litirnir 2 - Nú spilum við Jólalög á flautuna - Bókin er kennslubók fyrir börn í blokkflautuleik og tónfræði. Bókin er jafnframt söng og litabók, prýdd fjölda stórra mynda til að lita!
FLAUTAN OG JÓLIN - Flautan og litirnir 2
Jólalagabók
Höfundur bókarinnar er Guðmundur Norðdahl tónlistarkennari. Guðmundur er fæddur árið 1928 í Reykjavík. Guðmundur Norðdahl og sonur hans Guðmundur þór Norðdahl hafa undanfarin ár unnið að ýmsum útgáfuverkefnum tengdum kennslukerfinu Flautan og litirnir. Flautan og jólin er nýjasta bókin í bókaflokknum.
Guðmundur var tilnefndur til íslensku menntaverðlaunanna 2006 og 2009 vegna hins mikla framlags hans til eflingar tónlistarnáms sem raun ber vitni, útgáfuframsækins kennsluefnis, frumkvöðlastarfs á sviði þróunar hjálpartækja fyrirhljóðfæri. Ævistarf hans hefur verið tónlistarkennsla barna og einnig mikilfenglegt framlag til þróunar árangursríkra kennsluhátta og framsækins kennsluefnis fyrir börn. Hefur framangreint stuðlað að nýungum í skólastarfi.
Flautan og jólin er önnur bókin í bókaflokknum Flautan og litirnir. Flautan og litirnir 1 og 2 byggja á þrautreyndu kennslukerfi Guðmundar Norðdahl tónlistarkennara. Áratuga góð reynsla fjölmargra skóla á Íslandi, staðfestir ágæti aðferðarinnar. Með því að auðkenna nótur við liti þá virkjast nemandinn á áhrifaríkan hátt. Börnin syngja, lita og spila lög eftir litanótum. Með litanótum fæst mun áhrifaríkari tenging í huga barnanna við viðfangsefnið en mögulegt er með einungis svörtum nótum. Og tónlistarnámið verður miklu skemmtilegra en ella.
Þegar börnin hafa náð tökum á flautunni og litanótunum og spilað lög eftir þeim, samkvæmt Flautan og litirnir 1, þá er næsta skref að spila eftir svörtum venjulegum nótum samkvæmt Flautan og jólin. Börnin hafa því mun betri grunn til að þróast áfram í tónlistariðkuninni en áður.
Tilvalið er fyrir tónlistarkennara að byrja notkun Flautan og litirnir 1 (ásamt DVD) að hausti og stefna síðan á Jólatónleika samkvæmt bókinni Flautan og jólin. Ef Flautan og litirnir 1 er kennd á vorönn þá er tilvalið að stefna á vortónleika samkvæmt bókinni Flautan, sumarið og vorið. Flautan og litirnir 1 er einnig undanfari þeirrar bókar.
Flautan og jólin er sett fram með stórum stöfum ásamt einföldum handteiknuðum myndum. Reynslan hefur sýnt að slík framsetning hentar sjónsviði og skynjun barnanna best.
Flautan og litirnir 1, 2, 3 og 4 eru litabækur sem eykur á ánægju barnanna við tónlistarnámið!
FLAUTAN OG LITIRNIR 1
er undanfari bókarinnar
FLAUTAN OG JÓLIN
kvikmyndin hér að neðan er fyrsti kennsluþáttur af níu alls. Þættirnir spanna allt námsefni grunnbókarinnar FLAUTAN OG LITIRNIR 1.
Karolina Fund ehf © 2024 | Kt: 460712-1570 | VAT: 111464