Further Information

English description here

Úlfur Kolka safnar fyrir útgáfu á vinyl hiphop plötu sem hann hefur unnið að undanfarin ár. Platan heitir Borgaraleg Óhlýðni og er pólitískasta rappskífa Íslandssögunnar og fyrsta plata Úlfs á íslensku. Platan er rýni á íslenskt samfélag. Galla þess. Stjórnkerfi þjóðarinnar.

Það er hægt að styrkja verkefnið með því að forkaupa plötuna af Úlfi og taka þannig þátt í því að koma henni út fyrir jólin 2013.

Á plötunni tekur Úlfur Kolka á ýsmum málefnum. Til dæmis fjallar hann um hvernig sé að tilheyra lágstétt á Íslandi, hvort ríkisstjórnarskipti feli í sér einhverjar raunverulegar breytingar. Einnig er að finna á plötunni ævisögu Helga Hóseassonar og lag um sjálfan dauðann. 

Úlfur Kolka hefur unnið með fjölda tónlistarmanna á borð við breska rapparann Dan Bull, Freestyle (úr Arsonists), Shabazz The Disciple (úr Gravediggaz og Sunz of Man), Dinco D (úr Leaders of the New School), Quarashi, Antlew/Maximum, Lhooq o.fl. Hann hefur einnig komið fram á tónleikum með D-Stroy (úr Arsonists) og hitað upp fyrir listamenn eins og Raekwon (úr Wu-Tang Clan), J-Live og Fatman Scoop.

Úlfur Kolka var forsprakki rappsveitarinnar Kritikal Mazz sem innihélt m.a. Ágústu Evu Erlendsdóttur. Sveitin gaf út samnefnda plötu árið 2002 sem var tilnefnd sem 'Hiphop plata ársins' á Tónlistarverðlaunum Radíó X & Undirtóna árið 2002 auk þess sem Trausti Júlíusson, tónlistargagnrýnandi hjá Fókus, kallaði plötuna eina bestu hiphop plötu sem komið hefur út á Íslandi.

Til þess að styrkja verkefnið smellir þú einfaldlega á 'pledge to project' hnappinn hér hægra megin á síðunni. Velur upphæð og greiðir með kreditkorti eða millifærir inn á bankareikning Karolina Fund. Einfaldara gæti það ekki verið. Ef þú ert að styrkja í fyrsta skipti í gegnum Karolina Fund þarftu að stofna aðgang en það er eingöngu til að gæta að þínu öryggi og svo að við getum látið þig vita þegar verkefninu lýkur. Karolina Fund tekur við áheitum í Evrum til þess að einfalda erlendum aðilum þátttöku í verkefnum.