Nánari lýsing

Ljósmyndir Martins hafa margoft birst á íslenskum netmiðlum en nú hefur verið sett á fót verkefni á hópfjármögnunarvefnum Karolina Fund þar sem unnendur íslenskrar náttúru og landslags geta fengið hágæða ljósmyndabók með myndum hans frá Íslandi.

Fólkið á bakvið Íslenskar árstíðir

Hópfjármögnunin er samvinnuverkefni á milli Martins, Jóns Heiðar Þorsteinssonar sem ritstýrir bókinni og Aðalheiðar Ormarsdóttur sem sér um umbrot og hönnun. Um er að ræða sérútgáfu sem er aðeins hægt að fá á Karolina Fund.

Skilaboð frá höfundinum

„Alveg frá því að ég kom hingað fyrst hef ég verið heillaður þessari fallegu eyju. Ég hef aldrei upplifað svo fjölbreytt landslag. Ís og eldur, víðerni, torfærar götur og fallegir dalir. Allt þetta hefur Ísland upp á að bjóða. Hér hef ég kannað fáfarna staði þar sem fáir koma, allt frá fjöru til fjalla,“ segir ljósmyndarinn Martin Schulz.

Íslensk náttúra í aðalhlutverki

Í bókinni Íslenskar árstíðir verða myndir af mörgum íslenskum náttúruperlum. Martin hefur myndað Snæfellsnesið hátt og lágt og mun bókin innihalda myndir frá Búðum, Arnarstapa, Stapafelli og Kirkjufelli. Í bókinni verða myndir af Gatkletti, Lóndröngum og auðvitað sjálfum Snæfellsjökli. Aðdáendur hálendisins fá myndir frá Landmannalaugum, Hnausapolli og Kerlingarfjöllum. Martin hefur ferðast töluvert um suðausturhorn landsins og í bókinni verða myndir frá þessu töfrandi svæði og má þar nefna Vestrahorn, Fjaðrárgljúfur, Jökulsárlón og Fjallsárlón. Einnig eru myndir frá Breiðamerkursandi, Skaftafelli, Eldhrauni og svæðinu umhverfis Leirhnjúk. Fossum verða gerð góð skil í bókinni og má nefna Goðafoss, Gljúfrabúa Hrafnbjargarfoss, Brúarfoss og Öxarárfoss á Þingvöllum. Bókin mun einnig innihalda glæsilegar myndir af eldgosunum í Holuhrauni og í Eyjafjallajökli.

Hvað færð þú fyrir þitt framlag?

Bókin inniheldur formála eftir Martin og skýringar hans við myndirnar.

Bókin er á þremur tungumálum, íslensku, ensku og þýsku. Hún er því kjörin gjöf fyrir þá sem vilja eiga fallegan minjagrip frá Íslandi eða kynnast landinu betur.

Fyrir 65 Evru framlag (um 9.300 krónur) fæst eitt eintak af bókinni

Fyrir 79 Evru framlag (um 11.250 krónur) fæst eitt eintak af bókinni og aðgangur að bakgrunnsmyndum fyrir snjallsíma og tölvu

Fyrir 400 Evra framlag (um 56 þúsund krónur) fæst, auk bókarinnar, innrömmuð mynd úr bókinni, aðgangur að bakgrunnsmyndum fyrir tölvu og snjallsíma og sérstakur þakklætisvottur í bókinni sjálfri.

Skilaboð frá ritstjóra og hönnuði

„Martin hefur einstaka sýn á íslenska náttúru. Ég hef ritstýrt ferðavefnum Stuck in Iceland í þrjú og séð mikið af fallegum ljósmyndum frá Íslandi frá fólki allstaðar að úr heiminum. Dugnaður og elja Martins við að mynda landið okkar á öllum tímum ársins er hreint ótrúleg og listfengi hans og færni er óviðjafnanleg. Síðan ég sá Íslandsmyndirnar hans fyrst þá hef ég látið mig dreyma um að sjá þær í fallegri ljósmyndabók. Ég hlakka til að láta þann draum rætast með hjálp fólks út um allan heim,“ segir Jón Heiðar Þorsteinsson sem ritstýrir bókinni.

„Íslenskar árstíðir hefur allt til að bera sem svona verkefni þarf til, fallegar myndir og skýra sýn á hvernig afurðin á að líta út,“ segir Aðalheiður Ormarsdóttir hönnuður.