Further Information

*Scroll down for English introduction. Enjoy the pictures on the way. :)

Við erum...

Finnbogi Þorkell Jónsson, höfundur og leikari
Árni Kristjánsson, leikstjóri og dramatúrg
Svavar Knútur, tónlist
Benjamín Mark Stacey, grafísk hönnun
Flores Axel Böðvarsson, ljósmyndir
Stefán Ingvar Vigfússon, tæknimaður

Um verkið

Þú kemst þinn veg er nýr íslenskur einleikur eftir Finnboga Þorkel Jónsson byggður á sögu Garðars Sölva Helgasonar.

Garðar hefur glímt við geðklofa frá unga aldri. Hann lifir í dag eftir umbunarkerfi sem hann þróaði sjálfur til að takast á við geðklofann og lífið. Í dag vegnar Garðari vel og hann flytur fyrirlestra í skólum og stofnunum um umbunarkerfið og líf sitt með geðklofa. Finnbogi Þorkell Jónsson, höfundur og leikari verksins, hefur unnið að verkinu síðast liðin tvö ár en verkið er byggt á viðtölum hans við Garðar.

Þú kemst þinn veg veitir einstaka innsýn í lífsbaráttu manns með geðsjúkdóm. Batann og bakslögin, líf á ofsahraða og líf einn dag í einu. Verkið er mannlegt, beinskeytt, heiðarlegt og fyndið.

Frumsýning á verkinu verður 1. mars næstkomandi í Norræna húsinu að Sturlugötu 1 í Reykjavík.

Finnbogi Þorkell Jónsson flytur sviðsettan leiklestur á Þú kemst þinn veg, 10. október 2014 á vegum Alþjóða Geðheilbrigðisdagsins.

Af hverju ókeypis í mars?

Leiksýningin okkar er byggð á hugmyndum, sögum og lífsviðhorfum frá Garðari Sölva Helgasyni. Þetta er ekki gróðastarfsemi en við erum ekki heldur að gefa vinnuna okkar.

Garðar lifir sínu lífi eftir umbunarkerfi þar sem hann borgar sjálfum sér laun fyrir allt sem honum þykir erfitt að gera. Hann borgar sér líka laun þegar honum gengur vel að takast á við sjúkdóm sinn, geðklofa.

Garðar trúir ekki á gildismat nútímans um að allt þurfi að snúast um að græða og þegar hann heldur fyrirlestra sjálfur rukkar hann ekki fyrir þá. Með ykkar hjálp náum við að safna fyrir 10 leiksýningum í mars í Norræna húsinu með hugsjón Garðars að leiðarljósi. Fyrir vikið geta allir sótt sýninguna á jöfnum forsendum, bæði þeir sem hafa efni á að fara í leikhús og þeir sem hafa ekki efni á því. Til að dekka laun leikhópsins höfum við fengið fjárhagslegan stuðning frá Velferðarráðuneyti, Menntamálaráðuneyti, Reykjavíkurborg og Geðhjálp.

Sýningar

1.mars kl. 20:00
5.mars kl. 20:00
6.mars kl. 20:00
8.mars kl. 18 og kl. 20
13.mars kl. 20:00
14.mars kl. 20:00
15.mars kl. 18 og kl. 20
26.mars - kl. 20

Heiðurssæti

Öllum styrkveitingum fylgir að möguleikinn að taka frá heiðurssæti á sýningu að eigin vali í mars. Þegar þú kemur í salinn geturðu fundið kort með nafninu þínu á og nokkur þakkarorð frá Guðmanni sem er karakter verksins Þú kemst þinn veg.

Takk fyrir!

Nánar um okkur

Árni Kristjánsson hefur starfað sem leikstjóri, leikritahöfundur og dagskrárgerðarmaður fyrir Rás 1. Árið 2014 vann Árni Grímuna með verki sínu, Söngur hrafnanna, sem besta útvarpsleikrit en það var einnig tilnefnt til Norðurlandaverðlauna. Þú kemst þinn veg er þriðja leiksýningin sem hann framleiðir með Finnboga Þorkeli Jónssyni. Nánari upplýsingar um fyrri verk Árna má finna á www.arnikristjans.com

Finnbogi Þorkell Jónsson er leikari, leikritahöfundur og mannvinur. Hann útskrifaðist árið 2007 frá leiklistarskóla í Holberg í Danmörku og lauk nýlega ritlistarnámi við Háskóla Íslands. Hann hefur leikið með frjálsu leikhópunum undanfarin ár og framleitt sýningar.Þú kemst þinn veg er fyrsta sjálfstæða leikverkið sem Finnbogi skrifar og hefur það verið tvö ár í smíðum.

Svavar Knútur er landsþekktur tónlistarmaður og tónsmiður. Svavar hefur gefið út fimm breiðskífur og ferðast og haldið tónleika um allan heim. Auk þess hefur hann samið leikhústónlist fyrir leikhópa á Íslandi og í Þýskalandi.

You will tread your path - a sincere play dealing with mental disabilities and life

You will tread your path (Þú kemst þinn veg) is a documentary theatre piece based on reality as Garðar Sölvi Helgason experiences it.

Garðar was at an early age diagnosed with schizophrenia and through a life long struggle he created a complex system which has allowed him to cope with his difficulties and live a happy life.

The play is based on interviews taken over a duration of two years by the author/performer Finnbogi Þorkell Jónsson. The director and dramaturg, Árni Kristjánsson, has won the Icelandic theatre awards for best radio play and has specialised in working with new Icelandic plays. You will tread his path is his eigth professional production and the third collaboration between him and Finnbogi. Original music by Svavar Knútur is used in the production. Svavar has over the years become an internationally recognised singer-songwriter but he has also composed music for theatre in Iceland and Germany.

We seek crowd-funding so we can offer 10 performances in March for free. Our supporters get a special thank you card and a reserved seat as well as further perks if their pledge for the project is higher. What this ables us to do is to follow Garðar's system in action and be completely sincere to the system which we are presenting in the play.