Further Information

Í Vestmannaeyjum er lítið af afþreyingu sem hentar börnum innandyra. Veðrið ræður oftar en ekki í hvaða leik og hreyfingu börn komast, og það skapar bæði áskoranir og takmarkanir fyrir fjölskyldur á eyjunni. Við höfum sjálf upplifað þetta og séð að mikil þörf er á öruggu, skemmtilegu og aðgengilegu rými fyrir börn – stað þar sem þau geta leikið sér óháð veðri.

———————————————

Við erum ungt par með mikinn áhuga á því að bæta umhverfið fyrir börn í Vestmannaeyjum. Við fluttum hingað fyrir nokkrum árum og fundum strax fyrir skortinum á inniafþreyingu. Í september ákváðum við að taka stóra skrefið:við keyptum leikgrindina úr Smáratívolí og höfum unnið markvisst að því að finna húsnæði, skipuleggja rekstur og móta leiksvæði. Markmiðið er að búa til stað sem börn elska og foreldrar geta treyst.

Við höfum lagt inn eigið fé, eiginn tíma og fengið styrk frá sjóðnum „Villtu hafa áhrif“ hjá Vestmannaeyjabæ – sem staðfestir að verkefnið hefur raunverulegt gildi fyrir samfélagið.

Söfnunin er lykilþáttur í að halda verkefninu áfram. Með því að styrkja okkur hjálparðu beint við að tryggja húsnæðið og hefja framkvæmdir sem gera opnunina mögulega. Þetta er fyrsta skrefið í að skapa öruggan og skemmtilegan innileikvöll fyrir börn í Vestmannaeyjum – og samfélagið leikur þar stórt hlutverk.

Karolina Fund virkar sem „allt eða ekkert“, sem þýðir að ef markinu er náð verður verkefnið að veruleika. Ef ekki, fer ekkert gjald í gegn.