Further Information

Útgáfa á mjög merkilegri bók, um morð sem var framið á Austurlandi árið 1784 og hafði hörmulegar afleiðingar.

Áhrifamikið örlagadrama um þrjá drengi sem struku úr vistarböndum og áttu sér draum um frelsi á fjöllum en draumurinn snérist upp í svik og hryllilegt morð.

Þrír drengir lögðust út í helli í Naphorni á Austfjörðum árið 1784. Einn þeirra varð fárveikur eftir að hafa borðað úldinn hest, fyrst skáru þeir úr honum tunguna sem síðar endaði með morði. Það var þó bara byrjunin á hörmungunum. Aðalpersónan játaði á sig morðið en sagan fjallar einmitt um það af hverju hann gerði svo.

Þessi saga lýsir einnig tilfinningaríku ástarsambandi og sterkri föðurást.

Í kjölfarið var síðasta aftakan á Austurlandi framkvæmd, sem var ein hrottalegasta aftaka sem farið hefur fram á Íslandi, þegar 23 ára gamall, ólæs, fáfróður og einfaldur drengur var hálshöggvinn. Notuð var bitlaus exi svo höggva þurfti sjö sinnum áður en höfuðið fauk af búknum.