Fræðsla fyrir alla á mannamáli
Kennt verður á Google viðmótið og er þetta ætlað fólki á öllum aldri. Kennslan mun nýtast þeim sem eru ekki miklir tölvunotendur og einnig þeim sem vilja skerpa á þekkingu sína á Google og allt það sem Google hefur uppá að bjóða. Nú þegar hefur talsvert af eldra fólki nýtt sér vefinn en einn helsti þröskuldur er að vefurinn hefur verið áskriftavefur. Hugsjónin er að þessi vefur verður öllum opinn og þarf þá notandinn ekkert að skrá sig. Fyrirtæki og stofnanir er velkomið að nota vefinn.
"Næstu skref í því að gera vefinn betri er að taka upp kennslu fyrir snjalltæki bæði fyrir síma og spjaldtölvur"
Ég heiti Ólafur Kristjánsson og hef haft brennandi áhuga á tölvum og tækni nánast alla ævi. Kennslan byrjaði árið 1997 þegar ég hóf störf hjá Ntv (Nýi tölvu og viðskiptaskólinn) þar sem ég kenndi almennt tölvunám og auglýsingatækni í nokkur ár. Með starfinu þá var ég með lítið hliðarverkefni sem var að gera tölvu kennsluefni á geisladiska undir nafninu Fjarkennsla en það ævintýri varð býsna vinsælt og voru margir landsmenn sem fjárfestu í kennsludiskum. Seinna varð til kennsluvefurinn netkennsla.is sem Ntv tók yfir 2016 og hefur vefurinn þróast í að vera öflugur kennsluvefur fyrir fagfólk. Vefurinn netkynning.is var stofnaður 2018 þar sem meiningin var að kynna og halda utanum kennslu framleiðslu fyrir ýmis fyrirtæki og stofnanir. Þegar Covid skall á þá róaðist verkefnastaðan og ég tók upp kennsluefni fyrir Google sem átti að vera pínu gæluverkefni og lítill kennsluvefur í áskrift. Fókusinn var að vera með kennslu fyrir fólk sem vill skerpa á Google þekkingunni og var ég líka með eldra fólkið í huga þar sem að lítið hefur verið gert þar. En svo áttaði ég mig á því að framleiðsla á efni fyrir notendur sem eru ekki mikið að kaupa áskriftir, myndi sennilega ekki skila mklum hagnaði. Þörfin er aftur á móti mikil þ.e.a.s. það er ekki mikið efni til sem heldur vel utan um byrjendur og þá sem eru ekki mikið í þessari tækni.
Mig langar að nota það fjármagn sem kemur úr þessari söfnun til að gera vefinn stærri og betri. Nú er t.d. afar takmarkað til af kennslu á snjalltækin, en það eru kennslumyndbönd sem mig langar að gera samhliða þessum námskeiðum á Google. Þannig að t.d. í kennslu kaflanum Google Drive þá verður eitt myndband sem kennir á tölvu viðmótið, annað sem sýnir hvernig Google Drive er í snjallsíma og þriðja sem sýnir snjalltæki. Þannig sér notandinn hvernig þetta virkar í öllum tækjum.
Karolina Fund ehf © 2024 | Kt: 460712-1570 | VAT: 111464