Further Information

Meðferðarúrræði fyrir andlega veik börn og/eða með frávik

Meðferðin felur í sér samneyti við hesta og umgengni við þá. Unnið er með einn skjólstæðing í einu og er hannað umgangast hross á hans forsendum, snerta þau og skynja. Ef skjólstæðingur treystir sér er farið í stutta reiðtúra þar sem umsjónaraðili annað hvort gengur með honum og teymir hestinn eða ríður öðrum hesti og er með taum á milli.

Skjólstæðingarnir koma í hesthúsið og umgangast hestinn og hundana, bæði inni í hesthúsinu sem og úti í gerði. Engin krafa er gerð um að skjólstæðingur eigi að snerta eða koma nálægt hestinum en þá er hægt að setjast niður í heyið og spjalla um hestana. Það getur oft brotið ísinn að tala um þá eða við þá og þá er hægt að vinna traust skjólstæðingsins með samtalinu sem og nálægðinni við hestinn skref fyrir skerf. Aðgangur að inniaðstöðu er fyrir hendi og er hægt að nýta hana ef þurfa þykir. Í þeim tilfellum verður skjólstæðingur einn ásamt umsjónaraðilum og hestum í því rými, óviðkomandi fá ekki aðgang. Boðið verður uppá tvenns konar pakka þar sem annar inniheldur samneyti og samveru við hrossin og hin inniheldur hestbak, hvort sem er í gerði eða stuttur reiðtúr.
Skjólstæðingar læra ýmislegt um hesta, atferli þeirra og fleiri þætti sem einkenna þá. Einnig verður farið í umhirðu (kemba þeim og strjúka) og fóðrun, hvað þeir borða og hvað finnst þeim gott. Skjólstæðingur mun ávallt vera í samneyti við dýrin undir leiðsögn/tilsögn en alfarið verður farið eftir því hversu tilbúin hann er í það samneyti. Mismunandi umhverfi verður nýtt, hesthúsið, gerði fyrir framan hesthúsið, reiðhöll og nánasta umhverfi sem hentar hverju sinni. Ef tilefni gefst og forsendur séu fyrir hendi stendur skjólstæðingnum til boða að fara á hestabak þar sem umsjónaraðili teymir undir viðkomandi. Fyllsta öryggis er gætt og eru helstu öryggisatriði og búnaður fyrir hendi.