Elín Sif, Guðrún og Hrafnhildur Magnea hyggjast gefa frá sér 9 laga breiðskífu
To add milestones and tasks to your plan, please send them via e-mail to info@karolinafund.com. Tell us which tasks you have already finished (checked) and which ones are left.
Showing what the plan is for your project helps build trust with potential backers.
Platan - the making of
Snemma vors 2017 fengum við skilaboð á facebook frá litlu label-fyrirtæki frá Essen í Þýskalandi. Í því skeyti lýstu eigendur yfir áhuga á því að gefa efnið okkar út og fljúga hljómsveitinni yfir á meginlandið til að taka upp plötu. Þetta var spennandi tilboð og eftir vangaveltur ákváðum við að slá til. Um páskana 2017 flugum við því, ásamt fjórum eðal tónlistarmönnum, til Essen þar sem grunnur af fyrstu plötunni okkar var tekinn upp.
Söfnunin
Nú þegar mesta vinnan af okkar hálfu er yfirstaðin þurfum við ykkar aðstoð til að binda saman lausa enda og koma plötunni á efnislegt form. Plötuna þarf að hljóðblanda, mastera, skreyta að utan, prenta, dreifa o.fl. og fyrir því hefjum við nú söfnun.
Stefnur og straumar
Alveg frá upphafi höfum við lagt mikið upp úr þríröddun sem er eitt aðal einkenni Náttsólarinnar. Þríraddasöngnum má líkja við lím sem tengir saman lögin okkar þrátt fyrir að við semjum allar í örlítið mismunandi stíl. Ef við ættum að flokka tónlistina undir ákveðna stefnu væri það líklega popp skotið indí-áhrifum.
Saga hljómsveitarinnar
Náttsól varð til sumarið 2015 en þá sóttum við um sumarstarf sem listhópur hjá Hinu Húsinu undir nafninu: Sönghópurinn Pí. Sem betur fer var það nafn ekki langlíft en eftir lokaprófin fundum við betra nafn fyrir tríóið okkar: Náttsól. Eftir sumarið tókum við síðan þátt í söngkeppni framhaldsskólanna og vildi svo skemmtilega til að við unnum þá keppni. Úrslitakvöldið var sama kvöld og úrslit Músíktilrauna þar sem við kepptum líka. Söngkeppnisævintýrið endaði hinsvegar ekki í SagaFilm þar sem keppnin var haldin, heldur í Istanbúl þar sem við tókum Hyperballad eftir Björk í alþjóðlegri hljómsveitarkeppni og hrepptum fyrsta sæti í International riðlinum. Eftir að hafa lagt land undir fót tókum við á það ráð að semja meira, spila á tónleikum og hingað erum við komnar, með plötu í bígerð.
Hljóðfæraleikarar á plötunni
Eins og fram kom hér að ofan eru fleiri tónlistarmenn sem koma að plötunni en það eru hinir víðsýnu, frjóu, hugmyndaríku og umfram allt skemmtilegu piltar: Bergur Einar Dagbjartsson (trommur), Snorri Örn Arnarson (bassi), Magnús Jóhann Ragnarsson (hljómborð og hljóðgervlar) og Reynir Snær Magnússon (gítar). Þessir eðal drengir eiga mikið hrós skilið fyrir sitt framtak og við erum þeim afar þakklátar.
Karolina Fund ehf © 2024 | Kt: 460712-1570 | VAT: 111464