Further Information

Bókin verður prentuð á Íslandi í 300 eintökum og 100 eintök eru tölusett og árituð. Textarnir í bókinni eru allir á ensku en nokkrir einnig á íslensku og þýsku. Rúmlega 80 ljósmyndir eru í bókinni og ljósmyndarar eru Thomas Splett, Hlynur Hallsson, Jóna Hlíf Halldórsdóttir, Alexander Steig, Lóa Aðalheiður Kristínardóttir, Hugi Hlynsson, Thomas Bruns, Daníel Starrason, Brynjar Gunnarsson og Páll Stefánsson.

Júlía Runólfsdóttir er hönnuður bókarinnar og Kunstraum München gefur út. Alexander Steig og Hlynur Hallsson eru ritstjórar. Verkefnið hlaut styrk hjá Myndlistarsjóði.

Stærð bókarinnar er 15.5 x 23.5 cm, 108 síður prentaðar á 170gr UPM silk pappír.

Útgáfudagur er áætlaður um miðjan júní 2026. Sýning á verkum Hlyns stendur nú yfir í sal 4 í Listasafni Árnesinga í Hveragerði og nýjustu verkin í bókinni eru á þeirri sýningu. Sýningunni lýkur 23. ágúst 2026.

Elstu verkin í bókinni eru frá sýningu Hlyns í Locker Plant hjá Chinati Foundation í Marfa, Texas árið 2002 og nýjustu verkin eru af sýningunni í Listasafni Árnesinga 2026.