Further Information

Platan ´Svefndans´ er önnur plata kvartetts Halla Guðmunds, en það er trommulaus jazz kvartett skipaður Böðvari Reynissyni söngvara, Agnari Má Magnússyni píanóleikara og Snorra Sigurðarsyni á trompet og flugelhorn. Á Svefndans breikkar kvartettinn hljóheim sinn frá fyrri plötu sinni (Black and White - Chet 2020) með gestasöngvurum, breidd í áferð blásturshljóðfæra og með strengjaútsetningum. Platan er tilbúin til framleiðslu og er aðgengileg á streymisveitum. Platan er tekin upp í Sundlauginni á árunum 2020 - 2024 og hljóðblönduð og hljómjöfnuð af Birgi Jóni Birgissyni

´At His House´er íslenskt framhald af plötunni Monk-Keys frá árinu 2019 þar sem Halli Guðmunds hljóðritaði með austurrískum hljóðfæraleikurum. Við útgáfu á þeirri plötu setti Haraldur saman kvartett til þess að kynna efnið á íslandi og er núverandi hópur er kjarninn úr þeim kvartett. Efnistökin á ´At his house´ eru undir sterkum áhrifum klassíska jazzins eins og John Coltrane, Miles Davis og Dace Brubeck. Platan var hljóðrituð "live" í einu rými í stofu heimilis Haraldar. Ásmundur Jóhannsson tók upp og Ásgeir Aðalsteinsson hljóðblandaði.