Further Information

Nýjasta plata Snorra Helgasonar ber nafnið Víðihlíð og samanstendur af tveim EP plötum sem komu út stafrænt í október ’21 og apríl ’22 og bera sama nafn. Lögin á plötunni samdi Snorri á tiltölulega stuttu tímabili í einni samfelldri innblásturssprengju og eiga það flest sameiginlegt að vísa í umrót og tilfinningalega ringulreið unglingsáranna. Segja má að platan í heild sé nokkurs konar óður Hlíðanna og stemningarinnar í íslensku samfélagi í kringum aldamótin.

Þegar að taka átti upp þennan lagabunka ákvað Snorri að skipta honum til helminga og vinna fyrri hlutan undir stjórn Guðmundar Óskars Guðmundssonar en seinni hluta laganna undir stjórn Daníels Friðriks Böðvarssonar. Fyrri EP platan (Gummaplata) er þá á hlið A vínylpötunnar en seinni EP platan (Dannaplata) er á hlið B. Nálgun upptökustjóranna tveggja er ólík en lögin eru úr sama safni og býr þetta til mjög fjölbreyttan og breiðan hljóðheim sem þó nær að skapa eina heild. Lög af plötunni hafa fengið mikla spilun í útvarpi eins og “Ingileif” (sem tilnefnd var sem lag ársins á íslensku tónlistarverðlaununum 2022), “Haustið ’97” og nýjasti singullinn “Hæ Stína”.

Vínylframleiðslan er takmörkuð, einungis 200 eintök verða framleidd og sá Bobby Breiðholt um hönnun og umbrot vínylplötunnar eins og á EP plötunum tveim. Framhlið vínylplötunnar prýðir ljósmynd Ara Magg af fyrirsætunni Önnu Rakel Róbertsdóttur Glad sem notuð var í frægri auglýsingarherferð farsímafyrirtækisins Tal í kringum aldamótin þegar Snorri var að vinna í unglingavinnunni og byrja að spila á gítar.

Nánar um plötuna:
HLIÐ A
Haustið ’97
Ingileif
Leika við
Eitt sinn

HLIÐ B
Hæ Stína
Falleg
Sigrún
Bíða þín

Lög og textar eftir Snorra Helgason nema textinn við Eitt sinn sem er eftir Birki Blæ Ingólfsson og Falleg sem er eftir Snorra og Hallgrím Helgason.

Hlið A var hljóðrituð í Studíó Sjampó í desember 2020 til maí 2021 og hlið B var hljóðritur í Studio Glitský frá apríl til nóvember 2021.

Upptökum á hlið A stjórnaði Guðmundur Óskar Guðmundsson en Daníel Friðrik Böðvarsson á hlið B. Strengjaútsetningar eftir Hjört Ingva Jóhannsson. Strengjahljóðfæri voru tekin upp í Fríkirkjunni í Reykjavík. Hlið A var hljóðblönduð af Styrmi Haukssyni en hlið B af Alberti Finnbogasyni. Öll lögin voru hljómjöfnuð af Styrmi Haukssyni.

Snorri Helgason: kassagítar, banjó og söngur. Guðmundur Óskar Guðmundsson: Rafbassi, hljóðgerflar og bakraddir. Daníel Friðrik Böðvarsson: Gítar, rafbassi, píanó, hljóðgerrflar, forritun og bakraddir. Magnús Trygvason Eliassen: Trommur og slagverk. Tómas Jónsson: Píanó, hljómborð og hljóðgerflar. Örn Eldjárn: rafgítar. Sigurlaug Gísladóttir: Bakraddir. Matthildur Hafliðadóttir: söngur í Haustið ’97. Sölvi Kolbeinsson: saxafónn.

Ingileif

G Bm G7 C
Ég sá þig staulast inná Eiðistorg
Eb D G D/F# E
þungum skrefum með augun full af sorg
A D D+
Ó Ingileif hvað hefur þig hent?
Ég bræddi með mér hvort ég ætti að segja hæ
Í heila eilífð, þú færðist nær og nær
Ó Ingileif í hverju hefurðu lent?

G F Am
Hvað segirðu Ingileif?
G F C
Hvað er að frétta úr Hlíðunum
G F Am
Ég man vel hvað þú varst heit
G F
Smellubuxnadrottning
E Am
Reykjandi á hlýranum
Am (maj7-7) C7 F
Þú leist svo vel út í’onum.
D
Ó ingileif.

Þú vannst í Kringlu, uppá þriðju hæð
að deita gæja sem var í Bubbleflies
Ó Ingileif þú vissir meira en við.
Já þú varst einhver, ég var ekki neinn
Vanst Freestyle, varst aldrei nokkurn tíman ein
En núna horfir þetta dáldið öðruvísi við.

Hvað segirðu Ingileif?
Hvað er að frétta af börnunum
Ég man hvernig nóttin leið
Ég og þú á vindsæng alein undir stjörnunum
Alein í heiminum
Ó Ingileif

Hvað segirðu Ingileif?
Hvað er að frétta úr Hlíðunum?
Þú fórst og ég beið og beið
En þú vildir heldur Magga
Er ennþá gott að ríð’onum?
Það fölnar allt með tímanum
Ingileif.

Útlit og umbrot: Bobby Breiðholt. Ljósmynd á framhlið: Ari Magg. Fyrirsæta: Anna Rakel.

Þakkir: Saga, Edda Kristín, Starfslaun listamanna, Tónlistarsjóður Menntamálaráðuneytisins, Fríkirkjan í Reykjavík, Gunnar Gunnarsson, Ari Magg og Anna Rakel.

HIH010