Further Information

Hvítar fjaðrir eru fyrsta ljóðabókin mín en ég hef skrifað ljóð síðan ég man eftir mér en þessi ljóð eru öðruvísi. Í þessari bók eru ljóð úr öðrum heimi eða sem komu til mín í morgunsárið milli svefns og vöku. . Á næstum hverjum morgni í ár skrifaði ég ljóðin niður og ákvað að ritskoða þau lítið sem ekkert. Reyndi að hlusta ekki á þennan innri gagnrýnanda sem öllu vildi breyta og fannst ekkert nógu gott. Nú ætlar ég að senda þessi ljóð út í heim og treysta á að einhver njóti þess að lesa þessi ljóð sem féllu eins og hvítar fjaðrir að himnum ofan.
Bókina gef ég út sjálf og er því eilíflega þakklát þeim sem getur stutt mig hér á þessum vettfangi og hjálpi mér þannig að ná lágmarksupphæð hér uppí prentunarkostnað.

Ljóð
Stundum blæs ég orðunum
inn í blöðru og bind fyrir
Læt þær fljúga upp
í himininn
Þá falla niður hvítar fjaðrir
af öllum friðardúfum heims
Á meðan svörtu fjaðrirnar
skrifa ljóð um sorgina
og óréttlæti heimsins
skrifa þær hvítu um vonina

Ljóð
Alltaf koma þau flögrandi
Litrík og lifandi
Frjáls og fagnandi
Óhamin og æst
Glettin og gáskafull
Dreymin og feimin
Sum nýskriðin
úr púpunni
önnur eldri og vitrari.
En öll setjast þau
að lokum
á hvítt blaðið