Söfnun fyrir körfuboltavelli í Ungmennagarði Reykjanesbæjar til minningar um Örlyg Aron Sturluson
Unglingaráð Fjörheima hefur sett sér það markmið að reisa körfuboltavöll í Ungmennagarði Reykjanesbæjar til minningar um körfuboltamanninum Ölla (Örlygur Aron Sturluson) sem lést af slysförum aðeins 18 ára gamall.
Markmiðið er að safna 3,5 milljónum. Fjármagnið yrði notað til þess að festa kaup á körfuboltavellinum, sem verður með plastundirlagi af nýjustu gerð - en slíkir vellir eru vinsælir víða á skólalóðum og leiksvæðum ungmenna. Ásamt vellinum er það hugmynd unglingaráðsins að koma fyrir lítilli áhorfendastúku.
Hér að ofan er hægt að sjá gróflega hvar völlurinn verður staðsettur í Ungmennagarðinum.
Unglingaráð Fjörheima er samansett af meðlimum úr 8-10. bekk frá öllum grunnskólum Reykjanesbæjar. Þau funda vikulega, taka þátt í að skipuleggja starfið í félagsmiðstöðinni og setja sér fjölbreytt markmið á hverju ári. Þetta skólaárið var markmiðið sett hátt, með því að fjárafla fyrir körfuboltavelli í Ungmennagarðinn, sem þarfnast upplyftingu að mati ungmennanna.
Körfuboltavöllurinn verður skýrður "Öllavöllur" til minningar um Örlyg og í samráði við Minningarsjóð Ölla, sem styrkir börn til íþróttaiðkunar sem ekki eiga kost á því vegna bágrar fjárhagsstöðu foreldra eða umsjónarmanna. - http://minningarsjodurolla.is/
Hér að ofan er samskonar völlur frá Vestmannaeyjum.
Unglingaráðið stefnir á það að geta vígt völlinn á afmælisdegi Ölla - þann 21. maí 2022 með körfuboltamóti. Öllum styrktaraðilum verður boðið á formlega vígslu vallarins, með leikjum og skemmtiatriðum.
Kostnaðaráætlun og verktilboð liggur fyrir - og erum við í sambandi við innflytjendur sem hafa mikla reynslu á uppsetningu á körfuboltavöllum.
Markmiðið er að Öllavöllurinn verði fyrsta skref í enduruppbyggingu Ungmennagarðsins sem staðsettur er við Hafnargötu 88, sem hýsir félagsmiðstöðina Fjörheima og 88húsið sem er ungmennahús Reykjanesbæjar. Margvíslegar hugmyndir eru um fleiri verkefni sem myndu fegra Ungmennagarðinn - en Öllavöllur er fyrsta stóra skrefið í þá átt.
- Takk fyrir að lesa og sýna verkefninu áhuga!
Karolina Fund ehf © 2024 | Kt: 460712-1570 | VAT: 111464