Nánari lýsing

Við erum hópur höfunda og teiknara sem metum tjáningarfrelsið ofar öllu. Okkar markmið er að þýða íslenskan samtíma yfir á myndmál, og með ykkar stuðning verður Reykjavik Review gefið út milliliðalaust.

Með því að mynda tengingar milli kunnulegra andlita og viðtekinna viðhorfa mun Reykjavik Review leggja áherslu á sameiginleg minni okkar allra.

Eins og teikningarnar gefa til kynna myndgerum við opinberar persónur og tileinkum þeim tilbúna frasa. Persónurnar samanstanda af stjórnmálamönnum, fjölmiðlum, listamönnum, afreksmönnum og öðrum þjóðþekktum aðilum, en í bland við samtímann verða einnig áberandi persónur úr menningarsögunni dregnar upp - raddir sem bergmála enn um þjóðarsálina. Með því að tefla saman fortíð og samtíð vonumst við til að ná fram eins konar röntgenmynd af Reykjavík, þar sem ímyndir lifandi og látinna manna eru settar í sama samhengið.

Með ykkar stuðning verður fyrsta tölublað Reykjavik Review að veruleika!