Further Information

Safnað fyrir útgáfu Moldviðris!

Sigurbjörg A Sæm gefur út sína fyrstu skáldsögu.

Ég er alveg að verða búin með fyrsta uppkastið að minni fyrstu skáldsögu. Þetta er snarfeminísk saga um glæp eða glæpi, Með súrrelisma á kantinum.

Sagan fjallar um Maríu sem vaknar upp í vatteruðu gluggalausu herbergi. Og þegar betur er að gáð er öryggishurð bakvið hluta vatteringarinnar. Hún kemst svo að því að hún hefur framið hrottalegan glæp. En fangaverðirnir sem virðast eiga vaktaskipti á korters fresti segja henni að það samrýmist ekki lögum ríkisins að upplýsa hana frekar um varðandi glæpinn.

Úlfur í sauðargæru? Vatteraðar fangabúðir? Feðraveldið vafið inní mjúka sæng?

Smátt og smátt fer hún að safna vísbendingum, fer í hættulega minnisnámuvinnslu með hjálp tvíhöfða unglings. Sem hverfur svo. Var tvíhöfðinn ofskynjun? Draumur? Var hann til? Eða er hann til en getur gert sig ósýnilegan. Þetta er skáldsaga um meðfædda sektarkennd kvenna, ofbeldismenn(ingu), geðveiki, kynfrelsi og upprisu kvenna.

Bókin er búin að vera í vinnslu síðan árið 2014.

Hef gefið út tvær ljóðabækur; Mjálm (2015) og Tileinkanir (2020)

https://www.facebook.com/siggasaem