Further Information

Söngleikurinn Fimm ár

Fimm ár er falleg ástarsaga sem segir frá fimm ára sambandi ungrar konu og manns sem eru bæði að stíga sín fyrstu skref á ferlinum, hann sem rithöfundur og hún sem leikkona. Honum vegnar vel og verður fljótt vinsæll rithöfundur en þrátt fyrir endalausar prufur og puð kemst leikferill hennar ekki á flug. Hún neyðist til að verja löngum sumrum í heimabæ sínum þar sem hún leikur í litlu bæjarleikhúsi og leigir herbergi með " fyrrverandi vændiskonu og snáknum hennar, Wayne." Það sem er sérstakt við frásögnina er að söguþráður Cathy gerist í öfugri tímaröð en Jamie segir frá sambandinu á sama tíma en í réttri röð. Persónurnar mætast aðeins einu sinni í miðju verksins.

Söngleikurinn Fimm ár er eftir Jason Robert Brown og er vel þekktur á West End og Broadway og af söngleikja aðþáendum útum allan heim. Þetta er frumflutningur á söngleiknum á Íslandi.
Fimm ár er einstök leikhúsupplifun sem leikhús og tónlistaáðdáendur ættu ekki að láta fram hjá sér fara. Sýningin er 75 mínútur.

Leikarar: Júlí Heiðar Halldórsson og Viktoría Sigurðardóttir Hljómsveit: Einar Bjartur Egilsson, Hildigunnur Halldórsdóttir og Sigurður Halldórsson
Leikmynd og búningar: Klara Sigurðardóttir
Þýðing: Jóhann Axel Andersen

Upprunalega framleitt fyrir The New York Stage af Arielle Tepper og Marty Bell. Upprunalega framleitt af Northlight Theatre Chicago, II. Flutt með leyfi Music Theatre International Europe.

Skilaboð frá Viktoríu

Síðan ég útskrifaðist af söngleikjabraut við tónlistarháskóla í London hefur mig dreymt um að setja upp þennan söngleik á Íslandi. Þó svo að söngleikir séu margskonar þá eru þeir oft settir í einn og sama kassann og ýtt til hliðar. En söngleikir koma í öllum stærðum og gerðum í öllum tónlista-, dans-, og leikstílum sem fyrir finnast. Þessi söngleikur er fyrirferðalítill og einlægur. Tónlistarstíllinn er popp með tilvísanir í jazz og aðra stíla, textinn er nútímalegur og leikstíllinn líka.

Við hófum fjáröflun á Karolinafund til þess að tryggja að verkefnið sem við fórum af stað með yrði framkvæmt á sem bestan máta. Margir mikilvægir þættir hafa nú þegar verið fjármagnaðir og stefnir allt í glæsilegt show! En við þurfum þinn stuðning til þess að upphefja sýninguna á næsta plan. Við þurfum að fjármagna frábæra nýja íslenska þýðingu, leikmynd og búningahönnun til þess að sýningin verði sem glæsilegust fyrir auga jafnt sem eyra.