Fræðslubók um fjölbreytileika, ofbeldi, samþykki og kynlíf.
To add milestones and tasks to your plan, please send them via e-mail to info@karolinafund.com. Tell us which tasks you have already finished (checked) and which ones are left.
Showing what the plan is for your project helps build trust with potential backers.
Fávitar verður mín fyrsta bók en hún mun innihalda mörg hundruð spurningar íslenskra ungmenna sem ég hef séð um að svara á fyrirlestrum um allt land sem og á Instagram-síðunni Fávitar. Þær fjalla meðal annars um femínisma, fjölbreytileika, kynfæraheilsu, kynlíf og ofbeldi. Spurningarnar og fjöldi þeirra sýnir fram á gífurlega þörf fyrir kyn- og kynjafræðslu, sérstaklega þegar kemur að unglingum, sem virðast hafa margar spurningar en ansi fá svör um þessi málefni. Ef þessi bók hefði verið í boði þegar ég sjálf var unglingur hefði það geta sparað mér ansi margar erfiðar tilfinningar og upplifanir.
Nú þegar hefur eitt stærsta sveitarfélag landsins, Akureyri, ákveðið að bjóða upp á Fávita-fræðslu, byggða á vinnunni minni, sem valgrein fyrir 8.-10. bekk. Bókin gæti því einnig nýst vel við kennslu sem og til að skapa umræðu og tryggja fræðslu á heimilum landsins.
Áfanganum á Akureyri er lýst svohljóðandi: „Fávitar er kyn- og kynlífsfræðsla fyrir unglingastig. Fræðsla um kynhneigð, getnaðarvarnir, óléttu, blæðingar, útferð, kynsjúkdóma, tékk, femínisma, karlmennsku, sambönd, sambandsslit, suð, daður, brjóst, knús, kynlíf, druslur, mörk, líkamshár, hjálpartæki, sæði, píkur, typpi, fyrsta skiptið, sjálfsfróun, sleipiefni, fullnægingar, lög um kynferðisofbeldi og hótanir og hvar aðstoð er að finna vegna ofbeldis.“
Fávitar er átak gegn stafrænu og annars konar kynferðisofbeldi og hófst á samnefndri Instagram-síðu árið 2016. Í upphafi snerist síðan um að varpa ljósi á magn kynferðislegs áreitis á samfélagsmiðlum þar sem Íslendingar á öllum aldri sendu inn sín skjáskot af kynferðisofbeldi á netinu og deildu persónulegum reynslusögum sínum af ofbeldi í þeirra daglega lífi. Í dag er síðan með 27 þúsund fylgjendur og snýst hún að mörgu leyti um að fræða ungmenni um þessi málefni.
Ég heiti Sólborg Guðbrandsdóttir og er 23 ára tónlistarkona, fyrirlesari og laganemi. Ég brenn fyrir jafnrétti og hef varið gríðarlega miklum tíma síðastliðin ár í að reyna að láta gott af mér leiða, meðal annars með því að halda úti þessari síðu, fræða ungmenni um allt land um þessi málefni, safna pening til styrktar góðgerðarmálum o.fl. Fávitar verður mín fyrsta bók, sem ég stefni á að gefa út á eigin vegum, en ég hef fengið margar fyrirspurnir inn á borð til mín um að gefa út slíka bók.
Í fyrra var ég tilnefnd sem 1 af 10 framúrskarandi ungum Íslendingum af JCI Ísland og forseta Íslands fyrir framlag mitt til barna, heimsfriðar og mannréttinda. Að auki hefur SAMFOK, Samtök foreldra grunnskólabarna í Reykjavík, mælt með mér sem fyrirlesara varðandi stafrænt og annars konar kynferðislegt ofbeldi. Þá hef ég einnig unnið náið með samtökum sem aðstoða brotaþola ofbeldis og öðrum sérfræðingum.
Þar sem ég hef enga bakhjarla til að styðja mig í verkefninu hef ég ákveðið að leita á Karolina Fund eftir stuðningi ykkar. Markmiðið er að safna 9.000 evrum sem verða nýttar til að greiða fyrir umbrot, prentun, bókaskrif, teikningar, yfirlestur, útgáfu og dreifingu.
Karolina Fund ehf © 2024 | Kt: 460712-1570 | VAT: 111464