Further Information

Markmið okkar!

Okkar draumur er að ALLIR krakkar, unglingar, ungmenni og þau síungu í anda komist í kynni við þessi styrkleikaspil og NOTI ÞAU! Við viljum sjá þennan stokk á borði allra kennara, foreldra, þjálfara, sálfræðinga, markþjálfa, félagsráðgjafa, námsráðgjafa og í raun allra þeirra sem koma á einhvern hátt að innri vinnu einstaklinga, sér í lagi ungu kynslóðarinnar. Við búum öll yfir flottum og mikilvægum styrkleikum sem draga má betur fram í dagsljós og umræðu um líðan og tilfinningar. Að vinna með styrkleikaspil sem þessi er þáttur í að auka orðaforða, vitund, sjálfstraust og sjálfsvinnu, sem er tvímælalaust hagur okkar allra í nútímasamfélaginu.

Spilin

Þessi spil eru á íslensku, góð í sjónrænni vinnu með litríkri framhlið og 3 setningum á bakhlið sem dýpka orðaforða og skilning á styrkleikanum sem er á framhliðinni. Spilin eru 45 talsins með leiðbeiningum að einföldum æfingum sem nýta má jafnt í einstaklings- sem hópavinnu.

Við erum Áshildur og Sólveig

Við erum ACC markþjálfar með reynslu á hinum ýmsum sviðum í lífinu og umfram allt frábærar vinkonur. Okkur finnst fátt skemmtilegra en að vera vitni að því þegar ungt fólk uppgötvar hvað innra með þeim býr, þeirra styrkleika, langanir, drauma og þrár.

Við höfum mikið unnið með bæði ungu fólki og allskonar fólki á jafnt grunnskóla-, framhaldsskóla- sem og háskólastigi og vitum vel hvað svona styrkleikaspil geta skilað frábærum árangri. Aukið sjálfstraust, aukin sjálfsþekking, skýrari stefna ásamt meiri forvitni og gleði gagnvart því sem innra með okkur býr eru dæmi um verðmæti sem við sjáum út úr notkun styrkleikaspila. Okkur langaði í litrík, einföld, íslensk spil sem myndu höfða til ungu kynslóðarinnar og henta okkur vel í okkar vinnu.

Facebook.com/hlinmarkthjalfun/
Facebook.com/solmarkthjalfun/

Ertu með?

Þetta heyrðum við eftir prufukeyrslu spilanna á framhaldsskólastigi:

„Þetta var ótrúlega skemmtilegt!“

„Ég fékk meira sjálfstraust.“

„Það sem stóð upp úr var að læra um sig sjálfan og styrkleika sína“

„Ég lærði að kynnast mér betur“

„Ég er ánægðari með sjálfan mig“

„Ég áttaði mig á styrkleikum mínum, hæfileikum og hvaða hlutir skipta mig mestu máli“

Þakkir

Okkur langar að þakka öllum þeim sem stutt hafa okkur við gerð styrkleikaspilanna. Við ætlum að fagna útgáfu þeirra þegar góður tími gefst til á allra næstu misserum og munum bjóða alla áhugasama hjartanlega velkomna til að eiga með okkur skemmtilegan fögnuð.

Gert er ráð fyrir afhendingu í kringum 18. desember 2019

Við munum láta vita af því á Facebook síðu spilanna þegar nær dregur:
Facebook.com/styrkleikaspil
Vonandi sjáum við þig með okkur :)