Umhverfisvænir taupokar úr hágæða bómull til styrktar umhverfisvænu málefni
Samtök um bíllausan lífsstíl fagna 10 ára afmæli í september 2018.
Nú eru sveitarstjórnarkosningar handan við hornið og ætla Samtökin að standa að viðburðum og málþingi til að vekja athygli á virkum samgöngumátum og almenningssamgöngum. Til að fjármagna þetta starf seljum við glæsilega taupoka, sem vekja enn frekar athygli á Samtökum um bíllausan lífsstíl. Góðir taupokar eru öllu fólki nauðsynlegir, að ganga með þá er ákveðin yfirlýsing - um að við viljum sjálfbært og umhverfisvænt samfélag!
Markmið samtakanna er að berjast fyrir framgangi fjölbreyttra samgöngumáta, annarra en einkabílsins. Samtökin þrýsta á stjórnvöld, ríki og sveitarfélög, um að sýna sama metnað í lagningu göngu-og hjólastíga og lagður er í akvegi fyrir bíla. Samtökin berjast fyrir bættum almenningssamgöngum til að skapa raunverulegt val gegn einkabílnum.
Í samgöngum eru helstu tækifæri Íslendinga til að draga verulega úr losun gróðurhúsalofttegunda og takmarka vistspor. Besta leiðin til þess er að hætta að nota einkabíl - eða takmarka notkun hans eins og kostur er. Það hefur sannað sig að bíllaus lífsstíll er umhverfisvænn og sjálfbær, hann eykur ráðstöfunartekjur heimila, dregur úr slysum og er einstaklega heilsubætandi.
Einkennismerki Samtaka um bíllausan lífsstíl var hannað af Einari Guðmyndssyni, grafískum hönnuði.
Karolina Fund ehf © 2024 | Kt: 460712-1570 | VAT: 111464