Further Information

Ég er hinn magnaði Spiritus Mundi, eitt krafmesta og myndríkasta skáld Íslands, natural born artist, maður sem hefur marga fjöruna sopið, einstakt náttúrukraftaverk sem hefur sigrast á því ómögulega, maður sem býr yfir slíkri röksnilli og orðkyngi að fáir þora að mæta á ritvellinum. Ég ræðst í útgáfu á þessari ljóðabók, fullur bjartsýni að fólk hoppi á vagninn, leggi í púkkið gegn því að fá bókina heimsenda, áritaða. Ég get lofað því að þetta er mögnuð ljóðabók, sem enginn verður svikinn af að kaupa.

Nátthvörf

Ég vakti yfir hugsun minni
uns morgunsólin
kom á gluggann.

Það var svo margt … svo margt
að líta til í hugskoti
þessa vökunótt.

*

Víst hröpuðu stjörnur
míns hugarhvels
– hurfu í óminnisdjúp.

Þó varð mér af
vegur frjórra þanka
heim að dyrum
ljóðhúsa.

Undir dimmbláum feldi
kvikna glóðir
nýrra hugmynda

ljórar fyrir degi – í sálu minni.

Glóð

Á Glæsivöllum
kona ung og heit sem nóttin
gekk til sinnar hvílu

að morgni sunnudags

í arninum snarkaði eldur
– annars var kyrrt.

Orðsveðjan I

Hvassar voru eggjar
orðsveðjunnar
– þann morgun.

Kvað mér gyðjan óð:

Skáld, þá að fullkeyptu
– dregur til víga!

Orðsveðjan II

Napurt syngja eggjar
minnar orðsveðju

þá blóðernir
austurs og vesturs
renna um himinhvel!

Glerhamur ljóss og skugga
í Snákastræti 14

Milli
ljóss
og skugga
krossbylgjur árþúsunda
… höfðu helrök ei verið sýnni.

Komu þar að jarðmenni
í svarbláum stökkum
og brugðu fyrir galdri
en urðu undan að hopa
– til sinna grámukletta.

Kom þar að himnasveigir
er hafði lásboga
einan að vopni.

Þess vildi hann freista
hvort skjóta mætti eldör af streng
í hrímskugga þann – hina dökkvu vá.

Þá örin hæfði geislabrot
í snáksins auga
hrökk í sundur
glerhamur ljóss og skugga.

Óx lífsblóm eitt, fagurt
úr djúpi sinnar andrár
í Snákastræti 14.

DÝRIÐ

RADIO GA GA

ANNO 1986