Further Information

Stormsveitin er hópur kátra karla sem syngja. Hópurinn hefur staðið fyrir tónleikahaldi og troðið upp við ýmis tækifæri frá 2011.

Stormsveitin er tuttugu manna karlakór sem blandar hefðbundnum karlakóraperlum við argasta rokk og ról. Í kynningarmyndbandinu má sjá og heyra dæmi um hvað sveitin býður uppá. Upptakan er frá þrettándatónleikum í Hlégarði 2016.

Sigurður Hansson er upphafsmaður Stormsveitarinnar. Hann hafði gengið með hugmyndina í maganum um nokkurt skeið áður en hann lét til skarar skríða. Lagið Nótt var fyrsta viðfangsefnið, hefðbundið kórlag útsett fyrir rokkundirleik. Það voru þeir Arnór Sigurðarson sem bjó til tónlistina og Jens Hansson sem stjórnaði upptökum og hljóðblandaði.

Í október 2011 var stormsveitin formlega stofnuð og eftir það hefur sveitin haldið tónleika reglulega og troðið upp á árshátíðum og allskyns viðburðum.

Sveitin er skipuð fimm manna rokkhljómsveit ásamt 20 manna karlakór sem syngur í fjórum röddum. Markmiðið er að flytja metnaðarfulla tónlist sungna af alvöru fjórradda karlakór í flottum raddsetningum.

Uppákomur eru af ýmsu tagi. Við höfum sungið í afmælum, á árshátíðum, í kirkjum og flugstöðvum svo eitthvað sé nefnt.

Stormsveitin fær oft til liðs við sig gestasöngvara og -hljóðfæraleikara. Hér syngur Birgir Haraldsson lagið Álfa eftir Magnús Þór.

Okkur langar að gefa út geisladisk. Ef vel gengur með þessa söfnun fullvinnum við upptökur frá fyrri tónleikum, tökum upp nýtt efni og gefum út glæsilegan disk innan fárra vikna!