Further Information

#smilewithme

Þannig er mál með vexti að í byrjun árs fór ég í fimm mánaða heimsreisu. Ég flakkaði á milli fimm heimsálfa og fékk að sjá fjöldann allan af fallegum og spennandi löndum. Á leið minni um heiminn tók ég myndir fyrir myndaseríu sem ég kalla #smilewithme. Á myndunum held ég í höndina á brosandi manneskju og í bakgrunni er eitthvað fallegt eða einkennandi fyrir landið.

Myndirnar enduðu svo á Instagram síðunni minni ‘benniben’ þar sem vinir og vandamenn fengu að njóta.

Eftir að ég kom heim fannst mér ekki nóg að setja þessar myndir einungis á Instagram. Þannig ég gerði bók. Bókin hefði aldrei orðið til nema fyrir samstarf mitt við frábært fólk og má þar nefna Hauk Kristinsson, Rán Ísold, Benedikt Hálfdanarson og að sjálfsögðu öll módelin í bókinni. Á meðan framleiðsluferlið var í gangi hafði ég samband við Rauða krossinn um að vera í samstarfi við mig. Mig langar nefninlega að selja þessa bók með hjálp þeirra og gefa þeim í leiðinni allan ágóða sem verður af bókasölunni.

Ég valdi alveg sérstakt verkefni til að styrkja. Ágóðinn fer allur í Tómstundasjóð flóttabarna á Íslandi og finnst mér það kjörið verkefni þar sem í bókinni rétti ég fólki um allan heim höndina og fæ þau til að brosa. Með því að setja pening í þennan mikilvæga sjóð erum við að veita börnum frá ólíkum menningarheimum hjálparhönd við að stunda íþróttir og tómstundir og í leiðinni fá þau til að brosa. Að stunda tómstundir og íþróttir getur verið lykilatriði til þess að komast inn í samfélag og þar af leiðandi líða vel í því.

Til að hjálpa mér í þessu verkefni er hægt að gera tvennt:

1. Styrkja verkefnið með bókakaupum eða frjálsu framlagi
2. Deila þessum pósti

Takk kærlega fyrir lesturinn og að taka þátt í verkefninu okkar.

Benedikt Ben. og Rauði krossinn á Íslandi