Í þessari einstöku bók rekur Karl Th. Birgisson söguna af forsetakjörinu árið 2012. Hún er byggð á opinberum heimildum, en líka og ekki síður einkasamtölum við þá sem komu helst við sögu, þar á meðal forsetann sjálfan.
... read more

NOT FUNDED

This project was not funded or cancelled.

€2,661

raised of €7,000 goal

0

days to go

89

Backers

38% FUNDED
No rewards exist or campaign is not public. Log in to add or edit rewards.
Get this! All gone!

Pledge € {{ reward.amount }} {{ reward.amount * 150 }} ISK


{{ reward.title }}

{{ reward.description }}

Limited ({{ stockLeft }} left of {{ reward.stock }} ) Gone (0 left of {{ reward.stock }} )
{{ reward.stock_reserved }} backer {{ reward.stock_reserved }} backers
Get this!

Pledge without a reward

Team

Further Information

Efnisyfirlit og kaflabrot úr bókinni:
1. kafli: Ég horfði í augun á Ólafi Ragnari
2. kafli: Síðasti öryggisventillinn
3. kafli: Allt nema Ólaf Ragnar
4. kafli: Hannes og Herdís
5. kafli: Hvað skal með Svavar?
6. kafli: Að passa upp á hægri vænginn
7. kafli: Samsæri og þögn fjölmiðlanna
8. kafli: Of margir kokkar í eldhúsinu
9. kafli: Allt í fína lagi
10. kafli: Skemmtiatriðin
11. kafli: Ari Trausti mætir í tvídinu
12. kafli: Áróður og flökkusögur – og ekki
13. kafli: Svikalogn (eða: Beðið eftir Ólafi)
14. kafli: Fjölmiðlarnir
15. kafli: Stóra bomban
16. kafli: Dagbókarbrot: Bubbi fer með vísur
17. kafli: Viðbrögðin
18. kafli: Og hann var ekki hættur
19. kafli: Böðullinn
20. kafli: Skoðanakannanir
21. kafli: Stuðningsmenn kvenna eru konum verstir
22. kafli: Öryggisventillinn
23. kafli: Dagbókarbrot: Þeir sem klára ekki matinn sinn
24. kafli: Puntudúkkan ræskir sig
25. kafli: Hvað er að frétta úr heita pottinum?
26. kafli: Þrjú á palli
27. kafli: Að treysta orðum þjóðhöfðingjans
28. kafli: Jæja, kútur, hvað segirðu?
29. kafli: Brjóstaþokan
30. kafli: 7. júní
31. kafli: Að þrauka
32. kafli: Skemmtiatriðin – taka tvö
33. kafli: Hrun og ótti
34. kafli: Að tapa með reisn
35. kafli: Baneitraðir stuðningsmenn
36. kafli: Sex á palli
37. kaflinn: Taugaveiklunin
38. kafli: Tilhneiging til sjálfsáverka
39. kafli: Ég hef ekkert talað um óvissu
40. kafli: Kjördagur, Valhöll – og ælur
-------
1.kafli: Ég horfði í augun á Ólafi Ragnari
[…\] Nýársdagur er annadagur á Bessastöðum. Þá þarf að taka móti þeim sem ákveðið hefur verið að veita fálkaorðuna og síðar um daginn er boð sem haldið er fyrir „ráðherra, hæstaréttardómara, alþingismenn, sendiherra, ræðismenn, forystumenn ríkisstofnana og embættismenn, forystumenn félagasamtaka, stéttarsamtaka og atvinnulífs og aðra gesti,“ eins og það heitir í prótókollinum.
Meðal „annarra gesta“ var Ólafur Þ. Harðarson prófessor í stjórnmálafræði. Þeir nafnar og fyrrum kollegar hittust mjög stuttlega í boðinu.
Ólafur Þ. óskaði Ólafi Ragnari til hamingju með nýársávarpið og ákvörðunina um að hætta, og spurði svo: „Ég geri ráð fyrir að þetta sé endanleg niðurstaða?“
„Ég tel að það sé nú varla við hæfi að forsetinn fari að túlka nýársávarp sitt,“ sagði Ólafur Ragnar og fór svo að tala um að ýmis konar óvissa væri framundan, varðandi stjórnarskrána, Evrópusambandið og fleira. Því næst sneri hann sér að öðrum gestum í samkvæminu.
Ólafur Þ. varð hugsi eftir þetta stutta samtal, en sagði þó ekkert. Honum varð hugsað til DeGaulle Frakklandsforseta, sem sagðist á sínum tíma vilja hætta sem forseti en gaf þó kost á því að þjóðin „kallaði á hann“ til áframhaldandi starfa. […\]
„Hann hefði getað notað orðalag Johnsons og sagt „I will not seek nor will I accept nomination“ svo að þetta væri alveg klárt,“ sagði einn ráðgjafa forsetans í samtali við höfund og vitnaði til yfirlýsingar Lyndons B. Johnsons Bandaríkjaforseta frá 1968, þegar hann tilkynnti að hann myndi ekki sækjast eftir endurkjöri og ekki einu sinni taka við tilnefningu Demókrataflokksins þótt hún yrði samþykkt gegn vilja hans.
En texti Ólafs Ragnars var ekki svona afgerandi.
Strax þann 2. janúar hringdi Baldur Óskarsson viðskiptafræðingur í Ólaf Ragnar til að þýfga hann um þessa túlkun á ávarpinu – hvort hann útilokaði virkilega ekki að halda áfram? Þeir Baldur voru samverkamenn til áratuga, allt frá dögum beggja í Möðruvallahreyfingu Framsóknarflokksins upp úr 1970.
„Ég spurði hvað hann hefði meint með þessu ávarpi en hann vildi ekkert gefa frekar út á það.“
--------
23. kafli: Dagbókarbrot: Sá sem klárar ekki matinn sinn
[…\] Við opnun kosningamiðstöðvar Þóru var tiltölulega fámennt, kannske fimm hundruð manns. Margt vina og annarra kunnuglegra andlita.
Vantaði þó tvö. Á leiðinni upp eftir heyrði ég í Helga [Seljan\]. Hann sagðist ætla að kíkja seinna ásamt dætrum þeirra Kötu. Bætti við að Jóhannes Kr. væri með þeim.
– Er ekki allt í lagi með þig, drengur? spurði ég kurteislega.
– Hvað meinarðu?
– Er ekki nóg samt með áróðurinn um Ríkisútvarpið, þótt gervallt Kastljósið sé ekki líka mætt á kosningahátíð Þóru? Ég veit að konan þín er að vinna þarna, en þarftu kannske að hugsa þetta aðeins betur? Eða eigum við að kalla Simma [Sigmar Guðmundsson\] út líka til að fullkomna selskapinn?
Helgi hummaði og jánkaði. Sagðist myndu fara frekar niður að Tjörn að gefa öndunum. Mér þótti leiðinlegt að hafa af stúlkunum að hitta mömmu sína, en ég veit að þær fyrirgefa mér fyrir að hafa haft svo nauðsynleg áhrif á Íslandssöguna.
Þarna var Friðjón Friðjónsson: „Gaman að vera einn af þremur hægri mönnum í fimm hundruð manna hópi.“ Það var trúlega rétt hjá honum. Auk hans sá ég Þór Vilhjálmsson og Júlíus Sólnes sem fulltrúa hægri vængsins. Ef undanskilin er Svanhildur Hólm, sem er ekki hægri kona í alvörunni.
Fyndnast var samt að í klappliðið með Þór og Sólnes var mættur Úlfar Þormóðsson. Hvers konar kokteill er það? Var Þór kominn í hæstarétt þegar Úlfar var dæmdur fyrir guðlast?
Og svo Siggi Bogi [Sigurður Bogi Sævarsson blaðamaður\] að skrásetja eins og venjulega. Guðrún Pétursdóttir stjórnaði athöfninni í dag og Siggi gleymir engu:
„Það dugar ekki að hafa sem yfirþjón þann sem klárar ekki matinn sinn.“
[Innskot: Guðrún var í forsetaframboði árið 1996, en dró framboð sitt til baka.\]
Eitthvað óþægilega satt þarna hjá Sigga Boga. […\]

{{ userName(backer) }}

{{ backer.short_description }}

NOT FUNDED

This project was not funded or cancelled.

€2,661

raised of €7,000 goal

0

days to go

89

Backers

38% FUNDED
No rewards exist or campaign is not public. Log in to add or edit rewards.
Get this! All gone!

Pledge € {{ reward.amount }} {{ reward.amount * 150 }} ISK


{{ reward.title }}

{{ reward.description }}

Limited ({{ stockLeft }} left of {{ reward.stock }} ) Gone (0 left of {{ reward.stock }} )
{{ reward.stock_reserved }} backer {{ reward.stock_reserved }} backers
Get this!

Pledge without a reward

Karolina Fund ehf © 2024 | Kt: 460712-1570 | VAT: 111464