* Grafískur hönnuður frá LHÍ (áætluð útskrift 2021)*
* leturhönnuður *
* kallígrafer og skriftarkennari *
* BA í rökfræði frá Aarhus universitet *
,,
Það var ekki fyrr en ég fór að stunda grafíska hönnun að mér fannst ég almennilega finna mína fjöl í lífinu. Þar gat ég fengið útrás fyrir öll mín áhugamál; kennslu, myndlist, rökfræði og áhuga á samfélagsumbótum.
"
Ingi Vífill er nemi í grafískri hönnun. Hann hefur að baki fjölda ára í kennslu listgreina og markaðsstarfi. Grafísk hönnun, og þar sérstaklega leturhönnun, er honum afar hugleikin en hann hefur kennt skrautskriftarnámskeið undir merkjum Reykjavík Lettering síðastliðin misseri í frumkvöðlarýminu The Space á Hólmaslóð.
Sjálfur lærði hann að skrifa lykkjuskrift þegar hann gekk í grunnskóla í Danmörku sem drengur. Frá þeim degi hefur honum fylgt mikill áhugi á letrum og leturgerðum, en hann hefur verið ötull talsmaður aukinnar skriftarkennslu í grunnskólum og vill því með verkefninu Skriftarbók fyrir fullorðna öllum áhugasömum tækifæri á að bæta handskriftina með aðgengilegum og skemmtilegum æfingum í verkefnabók.
Engrar reynslu er krafist - aðeins viljans til að læra eitthvað nýtt.