Elfar Logi

Í hlutverki Gísla á Uppsölum í samnefndum einleik

Elfar Logi Hannesson

Lífið er dásamlegt og oft dálítið kómískt. Þannig er það allavega í mínu tilfelli. Ég er ofvirkur leikari að vestan fór í trúðaskóla í Kaupmannahöfn og síðan þá hefur fátt komið mér á óvart. Ég stofnaði Kómedíuleikhúsið, leikhús landsbyggðarinnar, árið 1997, sem er starfrækt á leikhúseyrinni Þingeyri. Kómedíuleikhúsið er jafn ofvirkt og eigandinn hefur sett á svið um 50 leikverk. Árið 2004 stofnaði ég einleikjahátíðina Act alone sem hefur verið haldin árlega fyrir vestan aðra helgina í ágúst í einleikjaþorpinu Suðureyri. Ég hef leikstýrt um 70 sýningum um land allt og leikið í helling af leikritum mörg þeirra hef ég samið sjálfur. Leikhúsið og þá sérlega einleikjaformið á hug minn allan. Ég hef ritað nokkrar bækur einkum um leiklist. Þar á meðal Leikræn tjáning og Einleikjasaga Íslands sem báðar voru fjármagnaðar á Karolinu síðunni.

Í hlutverki Grettis í samnendum leik.

Forsíðumynd hljóðbókar um Drakúla

Í hlutverki refaskyttunnar í einleiknum Gaggað í grjótinu.

Í hlutverki Gísla Súrsssonar í samnefndum einleik sem hefur verið sýndur miklu meira en 350 sinnum.