Ég er 29 ára gömul og bý í miðbæ Reykjavíkur með dóttur minni sem heitir Elsa og er á þriðja aldursári. Ég er að vinna í Systrasamlaginu sem er lífrænt kaffihús og verslun á Óðinsgötu. Ég hef mikla reynslu af þjónustustörfum og elska börn!
Haustið 2017 sat ég námskeið hjá Nýsköpunarmiðstöð Íslands sem heitir Brautagengi og er fyrir konur sem búa yfir viðskiptahugmynd. Þar lærði ég inn á stofnun og rekstur fyrirtækja og skrifaði viðskipta- og fjárhagsáætlunina fyrir Smástund.