Analytic Philosopher
Ég ástunda meistaranám í heimspeki við Háskóla Íslands, og skilgreini mig sem rökgreiningarheimspeking.
Ég hef starfað sem forritari og kerfisfræðingur í yfir 30 ár, en minn stóri draumur hefur lengi verið sá að geta sinnt ritstörfum og útgáfu bóka sem takast á við heimspeki, rökvísi og þekkingarfræði með almennu orðfæri.
Um þessar mundir er ég að gefa út mína fyrstu bók, Daggarmarkstilgátuna.
Bókin tekst á við hina upprunalegu hefð vestrænnar heimspeki, náttúruspekina í formi heimsfræði.
Í Daggarmarkstilgátunni eru grunnforsendur Miklahvellskenningarinnar gagnrýndar harkalega, og sett fram nýstárlegt samhengi hugmynda í formi heimsfræðilegrar tilgátu.
Ég hef hafist handa við næsta rit sem mun bera titilinn Samnefnarinn. Ég vil fátt gefa upp um innihaldið að svo stöddu annað en að ritið tekst á við hinn mannlega veruleika. Samnefnarinn mun koma út á haustmánuðum 2017.