Helga Hreiðarsdóttir starfar með samtökunum Memmm Play. Hún er leikskólakennari með víðtæka reynslu af leikskólastarfi og viðburðahaldi með börnum og fjölskyldum á Íslandi og í Bandaríkjunum.
Félagasamtökin Memmm Play vinna að því að skapa fjölskylduvænna samfélag á Íslandi.
Memmm Play hefur haldið ýmsa viðburði fyrir fjölskyldur en stendur nú fyrir fjölskyldustundum á tveimur stöðum í Reykjavík. Þar geta foreldrar/forsjáraðilar og börn komið og leikið saman, stækkað tengslanet sitt og fengið fræðslu er varða börn og uppeldi. Í Fjölskyldulandi mun Memmm Play halda fjölskyldustundir með samsöng og samveru sem og halda fjölbreytta og fjölskylduvæna viðburði.