Brek Hljómsveit

Hljómsveitin Brek leikur aðallega frumsamda, alþýðu skotna, tónlist með áhrifum úr ýmsum áttum, m.a. þjóðlagatónlist, jazz og poppi. Meðlimir sveitarinnar leggja mikla áherslu á að skapa áhugaverða stemningu í hljóðfæraleik sínum. Auk þess er lögð áhersla á fjölskrúðuga notkun íslenskrar tungu í textagerð. 

Hljómsveitina skipa Harpa Þorvaldsdóttir söngkona og píanóleikari, Jóhann Ingi Benediktsson gítarleikari og söngvari, Guðmundur Atli Pétursson mandólínleikari og Sigmar Þór Matthíasson bassaleikari.

Brek hefur vakið verðskuldaða athygli síðustu ár en sveitin var meðal annars tilnefnd til Íslensku tónlistarverðlaunanna í flokki þjóðlagatónlistar tvö ár í röð og hlaut Íslensku tónlistarverðlaunin fyrir plötu ársins í þjóðlaga- og heimstónlist árið 2022 fyrir sína fyrstu plötu. En síðan þá hefur Brek komið fram víða um heim, á hátíðum m.a. í Bandaríkjunum, Finnlandi, Noregi, Danmörku og Írlandi. 

Að auki hefur hljómsveitin boðið upp á barna- og fjölskyldudagskrá undir yfirskriftinni Bernsku-BREK sem hefur verið flutt fyrir grunnskólabörn í Reykjavík, Kópavogi, Siglufirði, Finnlandi, Noregi og víðar. 

Helstu upplýsingar um Brek má sjá á heimasíðu sveitarinnar og á helstu samfélagsmiðlum:

www.brek.is