Further Information

Í febrúar verður tekinn til sýninga splunkunýr íslenskur söngleikur fyrir börn, Björt í sumarhúsi. Tónlistin er eftir Elínu Gunnlaugsdóttur við texta Þórarins Eldjárns sem byggir á ljóðum úr bókinni ,,Gælur, fælur og þvælur”. Við leitum eftir aðstoð við að fjármagna uppsetningu á þessum einlæga og bráðskemmtilega söngleik sem á ríkt erindi við íslensk börn í nútímanum.

Sagan segir frá barni í pössun hjá afa sínum og ömmu í sumarbústað en þar er lítið við að vera og barninu leiðist. Í bústaðnum eru engin númtímatæki eins og tölvur og snjallsímar. Afinn og amman reyna að hafa ofan af fyrir barninu, en það gerist æ óþægara. Glói gullfiskur, fiskifluga, könguló, draugur og fleiri koma við sögu en að lokum finnast bækur í bústaðnum og barnið kemst í ró. Verkið er ærslakennt og er tónlistin í anda verksins, létt og leikandi.

Í hlutverki Bjartar er Una Ragnarsdóttir (10 ára), Valgerður Guðnadóttir fer með hlutverk ömmunar, Jón Svavar Jósefsson með hlutverk afans og Bragi Bergþórsson er í hlutverki hlaupagikks, ókindar og draugs. Hljóðfæraleikarar í sýningunni eru Ármann Helgason á klarinett, Kjartan Guðnason á slagverk, Vignir Þór Stefánsson á píanó og Birgir Bragason á kontrabassa, en söngleiknum leikstýrir Ágústa Skúladóttir. Kristína Berman sér um hönnun leikmyndar og búninga og ljósahönnun er í höndum Jóhanns Bjarna Pálmasonar.

Björt í sumarhúsi verður frumsýnd 1. febrúar í Hörpu á tónlistarhátíðinni Myrkir músíkdagar sem framlag Töfrahurðar. Áframhaldandi fjölskyldusýningar eru ráðgerðar í Tjarnarbíói og hefjast 14. febrúar. Markmiðið er að gera sýninguna þannig úr garði að hana megi auðveldlega sýna um land allt og á skólasýningum. Margar hendur koma hér að verki og er valinn maður í hverju hlutverki. Framleiðsla og uppsetning af þessu tagi kostar sitt og hafa Barnavinafélagið Sumargjöf og Reykjavíkurborg styrkt verkefnið myndarlega auk styrks úr Tónlistarsjóði. Þrátt fyrir það vantar enn töluvert upp á til að endar nái saman við að skapa söngleiknum viðeigandi umgjörð og greiða listamönnum laun í hlutfalli við vinnu sína. Þess vegna leitum við til þín í von um stuðning til að geta staðið við allar skuldbindingar vegna verkefnisins og haldið sýningum áfram í Tjarnarbíói. Það er einlæg ósk okkar að Björt í sumarhúsi megi þroskast og dafna og verða íslenskum börnum jafn hjartfólgin og ljóðabækur Þórarins Eldjárns fyrir börn.

Björt í sumarhúsi er samstarfsverkefni Töfrahurðar og Óperarctic félagsins.

Frá fyrsta samlestri söngleiksins

A New Icelandic Musical for Children

A brand new Icelandic musical for children will be staged in Reykjavik in February. The music is written by Elin Gunnlaugsdottir and the libretto by Thorarinn Eldjarn is based on his popular poems for children published in his book „Gælur, fælur og þvælur“. We are seeking support for this sincere yet amusing musical that gives children of a new technological era a chance to contemplate over life without internet, tv and mobile phones.

The story tells about a girl, Björt, who is with her grandmother and grandfather in a small country house, a cottage without electricity and modern comforts. The girl is bored and grandma and grandpa try to entertain her. A goldfish, a fly, a spider and a ghost among other become alive and finally some books are found and the girl calms down.

The musical will be premiered on February 1st at Harpa as part of the modern music festival Dark Music Days. Shows will continue in Tjarnarbio starting on February 14th. We are seeking support for the staging of the musical, to provide it with proper frame and to be able to remunerate the artists accordingly. Therefore we turn to you in hope for support to be able to fulfill all our commitments and bring the musical to Tjarnarbio.