Further Information

Verkefnið sem ég er að safna framlögum til er vegna bókar minnar LJÓSBERI.
Bókin fjallar, í mjög stuttu máli, um fjögur ungmenni sem rannsaka dularfullann dauða lærimeistara síns. Þau eru öll fædd með skyggnigáfuna en eru misjafnlega langt á veg komin í þeirri gáfu. Í rannsókn sinni berjast þau m. a. við möru, eiga við óvæginn tilbura, verða að flýja undan marbendlum og bjarga saklausu fólki frá átroðningi illra vætta sem minna helst á skrímsli úr þjóðsögunum. Þau komast brátt að því að allt sem þeim var kennt um lífið, alheiminn og tilveruna er ekki eins og þau héldu eða gátu órað fyrir.

Við sjáum að skyggnigáfa ungmennanna er þeim bæði til blessunar og bölvunar. Vilji þeirra til að sættast við krafta sína og hæfni til að nota þá mun skipta sköpum í viðureign þeirra við illa vætti og aðrar skeppnur sem við höfum tilhneigingu til að kalla guði.

Ég er að safna framlögum svo ég geti klárað þessa fyrstu bók í þríleiknum. Ég er langt á veg kominn með sjálf skrifin. Það er búið að skipuleggja atburðarás sögunnar í allar þrjár bækurnar. Hugmyndin er að gefa út eina bók á ári, sú fyrsta árið 2015. Persónur eru fullskapaðar og heimur þeirra líka. Sagan er epísk og ég þarf góðan tíma til að gera henni góð skil ... og tími kostar peninga.

Þess vegna er ég hér á Karolina Fund. Ég bið um ykkar aðstoð og býð ykkur um leið í smá ævintýri.

LJÓSBERI er fyrsta bókin í þríleik sem heitir Síðasti seiðskrattinn.
Það má segja að Ljósberi sé svar mitt við þeirri kröfu samtímans að skrifa verði fleiri bækur sem höfða til unglinga. Ég kalla hana kyngimagnaðann spennutryllir, sem kann að hljóma frekar léttvægt og froðukennt, en bókin er allt annað en léttvæg. Heimurinn sem ég hef búið til er bæði flókinn og ógnvænlegur. Ungmennin fjögur verða að kljást við eigin hindranir og takmarkanir áður en þau geta tekist á við þá ógnaratburði sem herja á heiminn.

Sögusvið Ljósbera er aðalega vesturbær Reykjavíkur. Sagan er sögð í fyrstu persónu, frá sjónarhorni ungmennanna fjögurra. Hver meginkafli skiptist þannig á milli þeirra, en þau heita: Bjarni, Hildur, Theódóra og Baldur. Þau eru öll 13 ára gömul (nema Dóra). Sagan hefst um það leiti sem þau hefja nám í gagnfræðiskóla.

Í fyrsta kafla uppgötvar Bjarni skyggnigáfu sína og er það frekar óhugguleg lífsreynsla. Hann kynnist eldgömlum, fjarskyldum frænda sínum, Hannes að nafni, sem hjálpar honum að komast í gegnum fyrstu hindranirnar. En áður en Bjarna tekst að fá almennilega kennslu frá þeim gamla, þá deyr Hannes á furðulegan hátt. Sá atburður sameinar ungmennin fjögur. Þau dreymdi öll sama andartakið þegar Hannes dó. Þau vita að eitthvað hræðilegt hefur komið fyrir ... eitthvað er laust í heiminum og það verður að stöðva.

Í öðrum kafla kynnumst við Hildi. Sagan sjálf heldur áfram en hver persóna hefur sína fortíð. Óskemmtileg reynsla Hildar af djöflum annarra vídda verður til þess að hún flýr með foreldrum sínum aftur til Íslands, en faðir hennar vinnur fyrir utanríkisráðuneytið.

NæsterTheódóra. Hún er minnst og yngst (12 ára en einu ári á undan í skóla). Eitthvað hræðilegt kom fyrir hana þegar hún var mjög ung og hefur það breytt henni til frambúðar. Ef fólk bara vissi hvers hún er megnug ...

Í fjórða kafla kemur Baldur til sögunnar. Hann er hávaxinn með kaldhæðnisbros á vör og er besti vinur Theódóru. Baldur er albinói og þolir illa sólina. Hann er einnig ættleiddur sonur Hannesar gamla og líklegur arftaki hans sem síðasti seiðskratti landsins.

Síðan komum við að Bjarna aftur. Þannig er sagan sögð; sjónarhorn hverrar persónu tekur við af annarri.

Þess má geta að aðeins ein persóna fornbókmenntanna hefur verið nefnd Ljósberi. En það einskorðar ekki nafnið eingöngu við hana, né örlög hennar. Kristin kirkja notar jafnvel nafnið sem opinberan sæmdartitil.
Enda óþarfi að bölva þeim að eilífu sem vilja börnum Adams vel.

Viðvörun firtra

Getið nafn Ljósbera ef þekkið
og sálu yðar eigi blekkið,
því vættir barna guðina herja
mun þá Ljósberi oss verja?

Þá mun Dauði yður velja
eigi nafn hans kunnið telja
og í Ljósbera faðmi
börn Adams framtíð dvelja.

Seiðskrattar síðastir Ljósbera skapa
þá Alfaðir, ásar og jötnarnir tapa
sjáið Ljósbera börnunum færa
lífsins gjöf og ástina tæra.

e. Ólaf Gunnar Guðlaugsson

Hello and welcome to my project

My name is Ólafur Gunnar but I´m called Óli.
I'm here to get some funding for my latest book, Ljósberi (Lightbringer)

I´m a writer of children´s books in Iceland. For the last seven years I have been working on several ideas for more mature readers, or the young-adult market.

Ljósberi (Lightbringer) is one of those ideas.

The story follows a group of gifted teenagers who are investigating the suspicious death of their old mentor. In the process they discover that life, the Universe and everything they know to be true ... is not as it seems.

Without divulging to much of the plot, here are some elements and info from the book:
1. It's the first of three in an series called Síðasti seiðskrattinn (The Last Warlock).
2. It takes place mostly in the West End of Reykjavík.
3. The main characters are born with a gift that is more of a burden than a blessing. How they cope with these gifts will be the difference between life and death for some.
4. In the book we encounter a secret society bent on reviving the horrors of ages past; mythical beings known as vættir, both good and evil ... mainly evil. You know how it is.
5. It's also a murder mystery.

The story is there. The characters are there and the world they live in. Every element is in place. It's an epic story and I need time to finish this first installment.
Alas, time costs money. Therefore I am here at Karolina Fund and I need your help.