Further Information

Spilið Hver stal kökunni úr krúsinni? er jólaspil fyrir alla fjölskylduna sem snýst um að finna hinn alræmda kökuþjóf. Sért þú með tómu krúsina á hendi er um að gera að koma öllum hinum úr leik sem fyrst eða lauma spilinu til einhvers annars.

Hver stal kökunni úr krúsinni? er sniðug möndlugjöf og falleg jólagjöf.

Spilið hentar 3 til 7 leikmönnum, 8 ára og eldri. Leikurinn samanstendur af 35 spilum í spilastokk, skreyttum með myndum af kökum og kruðeríi. Textinn á spilunum og reglurnar eru á íslensku.

Leikurinn er spilaður í stuttum lotum sem hver tekur 1-8 mínútur. Hægt er að spila margar lotur í röð og telja stigin eftir hverja. Sá sem er gripinn með tómu krúsina missir stig en leikmaðurinn með stigahæstu kökuna fær stig.

Hægt er að fylgjast með spilinu á Facebooksíðu spilsins.

HUGMYNDIN AÐ SPILINU

Innblásturinn fyrir spilið er barnaklappleikur sem margir kannast við er hljómar svona: Hver stal kökunni úr krúsinni í gær? Númer þrjú stal kökunni úr krúsinni í gær. // Ha, ég? // Já, þú! // Ekki satt! // Hver þá? // Númer fimm stal kökunni úr krúsinni í gær...

Grunnhugmyndin að Hver stal kökunni úr krúsinni? er byggð á spili sem heitir Love Letter eftir hönnuðinn Seiji Kanai, sem er lítið meðfærilegt spil sem hentar breiðum aldurshópi og hefur unnið til margra verðlauna.

UM HÖNNUÐINN

Embla Vigfúsdóttir útskrifaðist með meistaragráðu í leikjahönnun frá Danmarks Design Skole í janúar 2014. Áður lærði hún vöruhönnun við Listaháskóla Íslands. Hún hefur unnið að mörgum ólíkum verkum, meðal annars gefið út barnabókina Loðmar árið 2010, hannað spilið WonderWars fyrir UNESCO og síðast í Hönnunarmars starfrækt veitingastaðinn Pantið Áhrifin, þar sem réttir eru pantaðir út frá áhrifum hans á líkamann.

Kíktu á heimasíðu Emblu hér.

Merkimiðinn á jólapakka (tóma krúsin öðru megin, piparkökumynstur hinum megin).

Fjórar tegundir af bakkelsis-eyrnalokkum eru í boði.

---ENGLISH DESCRIPTION---

Who Stole The Cookie From The Cookie Jar? is a family-friendly card game where the goal is to identify the cookie thief. If you happen to be the thief, you’ll want to try to eliminate all other players or pass the card to another player.

The game is designed for 3-7 players, from 8 years of age and up. The game consist of 35 cards, decorated with traditional Icelandic Christmas cakes and treats.

The text on the cards themselves and the rules are in Icelandic but icons in the corner of the cards indicate their properties.

The game is played in rounds and each round takes between 1-8 minutes. You can then play as many rounds as you wish and tally up the points; the person caught with the empty jar loses a point while the player who has the highest valued cards when the game ends gets one point.

You can follow the game on Facebook and visit the designers website.