Við viljum koma í veg fyrir annað banaslys!
To add milestones and tasks to your plan, please send them via e-mail to info@karolinafund.com. Tell us which tasks you have already finished (checked) and which ones are left.
Showing what the plan is for your project helps build trust with potential backers.
Við félagarnir í Sturlungum MC misstum kæran vin og bróðir, Guðmund Hreiðar Guðjónsson, eða Mumma eins og hann var ávallt kallaður, í hörmulegu bifhjólaslysi á Innstrandarvegi við Hólmavík þann 30. júní 2019. Orsakir slysins má meðal annars rekja til ófullnægjandi merkinga Vegagerðarinnar við einbreiða brú sem er einungis í tæplega 100 metra fjarlægð frá blindhæðinni án allra viðvörunnarmerkinga eða hraðatakmarkanna og þrátt fyrir viðleitni okkar um að fá Vegagerðina til að bæta úr vegmerkingum við slyssvæðið hefur það engum árangri skilað. Vegagerðin hefur borið við fjárskorti, sem stenst vart skoðun, í ljósi þess að í febrúar á þessu ári réðst Vegagerðinn í þá framkvæmd að endurnýja ásýnd fyrirtækisins. Hannað var nýtt fyrirtækjamerki, sem er þó lítið frábrugðið því eldra, með einkunnarorðunum Öryggi -Framsýni - Þjónusta – Fagmennska. Allar líkur eru á að kostnaður Vegagerðarinnar vegna þessa hlaupi á tugum milljóna þegar allt er tekið saman. Nýjar merkingar aðseturs og útibúa Vegagerðarinnar, merkingar bifreiðar og tækja, bréfsefni og annað sem fyrirtækjamerkið prýðir.
Þar sem Vegagerðin ætlar ekki að standa undir einkunnarorðum sínum ætlum við Sturlungar að leggja í þessa söfnum og leita á náðir almennings um aðstoð við fjármögnunina. Við höfum leitað tilboða í ljósabúnað, skiltagerð, annars búnaðar og vinnu til að bæta öryggi við þessa blindhæð og einbreiðu brú og nemur sá kostaður kr. 936.488 með vsk. Við ætlum okkur að gera allt sem í okkar valdi stendur til að fyrirbyggja að annað slys endurtaki sig á þessum stað vegna skorts á viðvörunarskiltum um hættu og hraðatakmörkun á þessum stórhættulega vegakafla. Sýnum samstöðu og hjálpumst að við að bæta úr því sem Vegagerðin telur sig ekki hafa fjármagn til og björgum þannig öðrum frá líkamstjóni eða dauða.
Leggjum þessari söfnun lið, minnumst Mumma og allra þeirra sem látið hafa lífið í umferðinni undanfarin misseri.
Sjái Vegagerðin hins vegar að sér og tekur framkvæmdina inn á framkvæmdaráætlun mun söfnunarféð renna til Grensásdeildar –Endurhæfingardeild Landsspítalans sem m.a. sinnir endurhæfingu sjúklinga sem slasast hafa í umferðarslysum.
Með von um góðar viðtökur,
Sturlungar MC
Karolina Fund ehf © 2024 | Kt: 460712-1570 | VAT: 111464