Fræði- og fræðslubók um öldrun
To add milestones and tasks to your plan, please send them via e-mail to info@karolinafund.com. Tell us which tasks you have already finished (checked) and which ones are left.
Showing what the plan is for your project helps build trust with potential backers.
Bókin "Ný menning" fjallar um aðstoð til veikra og færniskerta aldraða. Hér áður voru þeir færri hlutfallslega en nú er og því auðveldara að leysa þörfina, án þess að það hafi endilega alltaf verið góðar lausnir fyrir viðkomandi. En nú fjölgar öldruðum, ekki síst há-öldruðum, gífurlega um allan heim og því hefur þjónustan komist í brennidepil í umræðu.
Í þessarri bók lýsi ég hvernig hugmyndir um þjónustuna hafa breyst undanfarna áratug, bæði á heimsvísu og hér heima á landinu okkar grábrúna. Þær breytingar má draga saman svona: Frá stórum "pakka"lausnum hins opinbera og stofnana yfir í einstaklingshæft valfrelsi, sjálfræði og valdeflingu.
Þessi þróun hefur verið kölluð "Culture-change" sem ég þýði sem "ný menning". Hún er kunnugleg af öðrum sviðum félagsþjónustu, en nú er röðin komin að öldrunarþjónustu. Um það er fjallað í bókinni. Hún inniheldur líka ýmiss konar fróðleik um öldrun og öldrunarþjónustu, almennt.
Ég gef bókina út sjálf, fyrst og fremst til að hafa fullt sjálfstæði um útgáfu og ekki síst dreifingu. Það var ný reynsla fyrir mig, en ég var svo heppin að fá reyndan mann úr bókaútgáfu, Þorvald Kristinsson, til að leiða mig í gegnum ferlið. Margt kom þar á óvart og m.a. þurfti að gefa útgáfunni nafn, þótt hún sé ekki formlegt fyrirtæki. Ég hugsaði mig um, en ákvað svo að nota nafnið sem litlu barnabörnin mín nota yfir húsið sem ég bý í: Ömmuhús.
Ýmsir aðilar hafa orðið til að styrkja mig til starfa og einnig til að styrkja útgáfuna. Nú vil ég gjarnan klára dæmið á Karolina Fund og líka bjóða hana fram þar með hagstæðum tilboðum.
Ef ekkert óvænt hendir, svo sem slys eða alvarleg veikindi, þá verðum við öll gömul.
Sum okkar eru svo lánsöm að halda góðri heilsu og getu fram á síðasta dag og þurfa litla sem enga aðstoð við daglega tilveru.
En sum okkar verða fyrir ýmiss konar áföllum sem geta leitt til þess að þau geta ekki séð um sig án aðstoðar. Oft reyna nánir ættingjar eða vinir að hjálpa eftir bestu getu, en oft þarf samfélagið - opinber þjónusta - að koma til. Stundum þarf fólk að flytja á stað þar sem það fær þjónustu allan sólarhringinn. Í tengslum við þessi mál varð til eftirfarandi texti sem sungin er við lag Bjartmars Guðlaugssonar:
Ég er orðin áttræð og kenna á því fæ.
Óumbeðið var ég flutt á stofnun úti í bæ.
Engu ræð ég um það sem gerist á þeim stað,
aðrir setja dagskrána og þannig er nú það.
Soðning í hádeginu, súpugutl á kvöldin,
í svefninn fyrir níu þó að ég sé týpa B.
Sturtan snemma á þriðjudögum, þar hafa þær völdin,
þótt ég vilji baðkar og að síðdegis það sé.
Enginn hérna veit neitt um æviferil minn,
æskuárin, pabba og mömmu, flotta manninn minn.
Ég vil búa á stað þar sem starfsfólk þekkir mig
og styður mig til sjálfræðis um elliára stig.
Soðning í hádeginu ... o.s.frv.
Ég vil eiga heima á litlum, ljúfum stað,
lifa þar með fólki sem sameinast um það
að njóta gleði og tilgangs í dagsins iðju og önn
og einnig hvíldarstunda, þar er val en ekki bönn.
Súpa og brauð í hádeginu, sitthvað gott á kvöldin,
svefn og fótaferð eins og hverjum þykir best.
Á heimilinu mínu við höfum saman völdin,
hjálparfólkið, gamla fólkið, það finnst okkur best.
Karolina Fund ehf © 2024 | Kt: 460712-1570 | VAT: 111464