Við ætlum að taka kaffihúsaleikhornið á næsta stig. Smástund er kaffihús og leiksvæði - eitthvað fyrir alla. Börn fá tækifæri til að leika sér og fullorðna fólkið svigrúm til að spjalla, skrolla, snarla eða einfaldlega stara út í loftið og eiga smástund út af fyrir sig.
... read more

NOT FUNDED

This project was not funded or cancelled.

€3,453

raised of €8,700 goal

0

days to go

107

Backers

40% FUNDED
No rewards exist or campaign is not public. Log in to add or edit rewards.
Get this! All gone!

Pledge € {{ reward.amount }} {{ reward.amount * 150 }} ISK


{{ reward.title }}

{{ reward.description }}

Limited ({{ stockLeft }} left of {{ reward.stock }} ) Gone (0 left of {{ reward.stock }} )
{{ reward.stock_reserved }} backer {{ reward.stock_reserved }} backers
Get this!

Pledge without a reward

Further Information

Hverjar erum við og hvað langar okkur að gera ?

Á árunum 2016-2017 vorum við vinkonurnar Kolbrún Tara og Salvör báðar í fæðingarorlofi. Þá komu stundir þar sem okkur langaði að rífa okkur úr náttfötunum og setjast á kaffihús með börnin okkar, eitthvað sem margir foreldrar kannast eflaust við. Við stóðum hins vegar oft frammi fyrir þeirri krísu að snúast í hringi með börnin okkar í fanginu og spyrja okkur HVERT í ósköpunum við ættum að fara?

Hvaða staður gæti uppfyllt þarfir okkar ? Við vildum njóta samverustunda utan heimilisins á stað þar sem gert væri ráð fyrir því að fólk væri með börn og uppfyllti þarfir og langanir beggja hópa. Það voru atriði eins og:

-Góðar veitingar fyrir fólk á öllum aldri.

-Vel hannað rými sem tekur tillit til hættuvalda eins og rafmagns innstungna og borðbrúna í óheppilegri hæð.

-Hentug setuaðstaða fyrir fólk með lítil börn.

-Praktísk og vel búin skiptiaðstaða.

-Spennandi og snyrtileg aðstaða fyrir börn að leika sér.

-Barnastólar.

-Að hægt sé að leggja ungabörn frá sér á auðveldan og öruggan hátt.

-Auðvelt að fylgjast með börnum.

-Gott aðgengi fyrir kerrur o.s.frv.

Í fjölbreyttri kaffihúsaflóru Reykjavíkur teljum við að vöntun sé á stað sem uppfyllir þessar þarfir. Þar ætlum við að bæta úr!

Þarna kviknaði hugmynd að staðnum sem við köllum nú Smástund. Staður sem þjónustar barnafólk jafnt sem börn, frá fæðingu. Staður þar sem fólk fær tækifæri til þess að setjast niður, í einrúmi eða með vinum og eiga þar ótruflaðar samræður við sjálfið eða annað fólk í heila klukkustund, jafnvel lengur! Athvarf til að gera helling eða hreinlega ekki neitt.

Smástund mun bjóða upp á notalega aðstöðu fyrir fólk með börn þar sem hægt verður að tylla sér með góðan kaffibolla og lesa tímarit, vafra og vinna í tölvunni eða einfaldlega bara kíkja út úr húsi og eiga notalega stund með börnum. Á sama tíma fá börn að leika sér og efla ímyndunaraflið sitt.

En hvað með blessuð börnin ?

Á Smástund bjóðum við ungum viðskiptavinum okkar að taka þátt í rólegum leik - leik sem nærir þau andlega og skerpir á athygli þeirra. Á afmörkuðu svæði inni á kaffihúsinu verðum við með leikvöll frá bandaríska fyrirtækinu Imagination Playground en hann er hugsaður fyrir börn sem hafa náð 2 ára aldri. Þar að auki verða leiksvæði inni á kaffihúsinu fyrir yngri börn og verða það sérstök "sensory" (skynjunar) svæði. Tilgangurinn með þeim er að fanga athygli barna og bjóða þeim að rannsaka, skoða, snerta og uppgötva. Þau leiksvæði verða hönnuð þannig að þau flæði um rýmið og blandist setusvæðunum. Foreldrar og aðrir forráðamenn ungra barna þurfa því ekki að yfirgefa borðið sitt til að fylgja þeim á leiksvæði heldur geta fylgst með þeim úr sætum sínum.

Þá er rétt að taka fram að engin gæsla verður inni á leiksvæðinu og verða börn ávallt á ábyrgð foreldra sinna.

Hvað er merkilegt við þennan leikvöll ?

Leikvöllurinn frá Imagination Playground er framleiddur í Bandaríkjunum og samanstendur af hreyfanlegum kubbum í mismunandi lögun eins og teningum, tígulsteinum, tannhjólum, bugðum, kúlum og sívalningum. Kubbarnir eru búnir til úr umhverfisvænum og eiturefnalausum svampi sem þolir vatn, sól, hita og myglar ekki. Það er auðvelt að stafla þeim upp og hreyfa þá til þar sem þeir eru fisléttir. Börn fá tækifæri til þess að búa til sinn eigin leikvöll og skapa sína eigin veröld, hvort sem það er sjóræningjaskip, vélmenni, hús eða heil borg- möguleikarnir eru endalausir!

Getur þú hjálpað okkur ?

Kaffihúsaleiksvæðið Smástund er stórt verkefni sem okkur dreymir um að verði að veruleika. Einn liður í stofnun Smástundar er fjármögnun á kubbunum sem við munum flytja inn til landsins. Tilgangur söfnunarinnar er að ná að fjármagna kaupin og innflutninginn. Þá getum við haldið áfram að vinna í átt að opnun Smástundar. Með þinni hjálp getur það orðið!

{{ userName(backer) }}

{{ backer.short_description }}

NOT FUNDED

This project was not funded or cancelled.

€3,453

raised of €8,700 goal

0

days to go

107

Backers

40% FUNDED
No rewards exist or campaign is not public. Log in to add or edit rewards.
Get this! All gone!

Pledge € {{ reward.amount }} {{ reward.amount * 150 }} ISK


{{ reward.title }}

{{ reward.description }}

Limited ({{ stockLeft }} left of {{ reward.stock }} ) Gone (0 left of {{ reward.stock }} )
{{ reward.stock_reserved }} backer {{ reward.stock_reserved }} backers
Get this!

Pledge without a reward

Karolina Fund ehf © 2024 | Kt: 460712-1570 | VAT: 111464