Further Information

Nánar um þættina

Fjallað verður um sögu bjórs á Íslandi og öll brugghús landsins heimsótt. Mikil gróska hefur orðið í bruggheiminum á Íslandi síðustu ár, en yfir 25 brugghús eru nú starfrækt hér á landi en voru aðeins 2 fyrir rétt rúmum áratug síðan.

Hver er staðan núna, og hvernig komumst við þangað? Af hverju þessi mikli áhugi núna?

Hjörvar Óli bjórnörd mun leiða þættina, og heimsækja öll brugghús landsins og svipta hulunni af bjórnum sem við sjáum í hillum vínbúða og á krönum ölhúsa. Með smitandi áhuga fjallar hann um hvað einkennir mismunandi tegundir bjórs , og hvaðan bruggmeistarar landsins sækja innblástur sinn.

Öl-æði! fjallar um bjór á aðgengilegan og skemmtilegan hátt sem svalar fróðleiksþorsta allra, nörda jafnt sem nýgræðinga.