Straumur
To add milestones and tasks to your plan, please send them via e-mail to info@karolinafund.com. Tell us which tasks you have already finished (checked) and which ones are left.
Showing what the plan is for your project helps build trust with potential backers.
Meðlimir Ugglu hafa allir fengist lengi við tónlist, hver í sínu horni, en leiðir þeirra lágu ekki saman fyrr en árið 2014.
Söngvarinn og gítarleikarinn Valdimar Þór Valdimarsson leikur með raftónlistarsveitinni KSF (Killer Sounding Frequencies). Kjartan Orri Ingvason leikur á gítar og munnhörpu. Árið 2009 gaf hann út plötuna Sum of all things undir listamannsnafninu KOI. Trymbillinn Kjartan Þórisson lék með hinni goðsagnakenndu sveit PPPönk og bassaleikarinn Viðar Hrafn Steingrímsson hefur m.a. leikið með FH-sveitinni Hafnarfjarðarmafíunni.
Eftir langan og notalegan tíma í æfingahúsnæði var ákveðið að halda í hljóðverið Aldingarðinn og fá Magnús Leif Sveinsson til að hljóðrita fjögur lög. Útkoman er EP-platan Straumur.
Sveitin er undir áhrifum úr ýmsum áttum og á Straumi má greina áhrif frá bandarískri sveitatónlist, jazzi, breskri tónlist frá bæði sjöunda- og tíunda áratugi síðustu aldar ásamt fleiri tónlistarstefnum.
Í laginu Sit í svörtu húmi er stuðst við texta eftir Pál Ólafsson (1827-1905) en höfundur þessa jazzskotna lags er Valdimar Þór Valdimarsson. Í laginu leggur Flóki Árnason Ugglu lið með leik á Rhodes.
Leið A eftir Viðar Hrafn er upphaflega samið sem dægurlag en hrökk í kántrígír fyrir slysni. Í laginu liðsinnti Andrés Þór Gunnlaugsson Ugglu með leik á dobro, pedal steel og banjó.
Andrés Þór leikur einnig með í laginu Hillerød eftir Valdimar Þór en lagið fékk talsverða spilun á Rás 2 á árinu og komst meðal annars á topp 10 á vinsældalista rásarinnar.
Nýjasta lagið er Sing me a song eftir Kjartan Orra og textinn er eftir Valdimar Þór. Stjórnandi Lúðrasveitar Hafnarfjarðar, Rúnar Óskarsson, útsetti brass fyrir lagið sem þeir Andrés Björnsson og Brynjar Óskarsson spiluðu.
Fanney Sizemore hannaði umslag plötunnar.
Eins og fyrr segir er platan Straumur komin út á Spotify en við óskum liðsinnis við að koma henni á vínylform. Við reiknum með að fá plötuna í hendur um miðjan október og fljótlega eftir það verður blásið til útgáfutónleika.
Karolina Fund ehf © 2024 | Kt: 460712-1570 | VAT: 111464