Further Information

Örlítið um Tómas Jónsson

Tómas Jónsson hefur komið víða við í íslensku tónlistarlífi undanfarin ár og unnið með mikið af góðu fólki. Það tilheyrir víst að bendla menn við sér stærri menn, og konur... sem dæmi þá hefur Tómas unnið með Ásgeiri Trausta, Hjálmum, Memfis Mafíunni, Fjallabræðrum, Helga Björnssyni, Sigríði Thorlacius, Uni Stefson, Björgvini Gíslasyni, Brynhildi Oddsdóttur, í uppfærslu Vesturports af Í hjarta Hróa hattar og svo mörgu fleiru hæfileikaríku fólki. Þessi væntanlega plata er sú fyrsta sem hann gefur út í sínu nafni og á facebook síðu hans er hægt að fylgjast með gangi mála https://www.facebook.com/tomasjonsson93/?fref=ts

Um plötuna

Platan samanstendur af efni sem er að mestu instrumental. Platan er draumkennd, full af lífrænum hljóðum úr hljóðgervlum áttunda áratugarins, elektróník og akústík. Endilega hlustaðu hér á fjögur þeirra....

,,Í tilefni af útgáfu fyrstu breiðskífu Tómasar Jónssonar lagði ég sérstaklega við hlustir. Ef einhver vill komast burt eða leita upphafs og seiglast einn með sjálfum sér þá er það hægt í tónlist Tómasar Jónssonar.
Ég hef notið þeirra forréttinda að fá að kynnast persónu Tómasar Jónssonar í návígi þar sem hann spilaði á hljómborð sálar minnar með nálgun sinni á allskonar nótum, með tónum tímasettum innan takts og hljóma af einstakri fag og júfmennsku.
Mig skortir orð til að lýsa hæfileikum Tómasar Jónssonar sem eru á einhvern hátt náðargáfa utan tíma og rúms."

Magnús Þór Sigmundsson
Tónlistarmaður

Með þinni hjálp getur þetta komið út!

Það að þú skulir gefa þér tíma til að vera hér, lesa þetta og mögulega hlusta á tónlistina gleður mig. Ég yrði líka mjög þakklátur ef þú sæir þér fært að hjálpa mér að gefa út þetta efni. Það gerir þú með því að velja þér eitthvað (vonandi) skemmtilegt í staðin hér til hliðar fyrir þá upphæð sem þú getur látið af hendi.

Og hvað svo....

...svo kemur þetta út og þá er nú tilefni til að halda tónleika, mögulega fyrr líka. En ég er með svo ótrúlega tónlistarmenn með mér í þessu verkefni að ég get eiginlega ekki beðið eftir því að telja í með þeim!