Further Information

Þetta er fyrsta kennslubókin í dáleiðslu sem gefin verður út á íslensku. 260 síður af fróðleik um hvernig hægt er að dáleiða fólk og hjálpa því til að gera breytingar í undirvitundinni.

Þessi bók er fyrri hluti dáleiðslunámskeiðs Roy Hunter og læriföður hans, Charles Tebbetts, sem skrifaði metsölubækur um dáleiðslu á sinni tíð, meðal annars Kraftaverk eftir pöntun- Miracles on demand.
Námskeiðið er kennt víða um heim, meðal annars hjá Dáleiðsluskóla Íslands, og verður bókin kennslubók á grunn námskeiði skólans.

Höfundur bókarinnar er einn frægasti dáleiðandi Bandaríkjanna, Roy Hunter, sem hefur stundað dáleiðslumeðferð og dáleiðslukennslu í áratugi.
Þýðandi bókarinnar er Ingibergur Þorkelsson, skólastjóri Dáleiðsluskóla Íslands. Hann segir:

Ég lærði dáleiðslu í Glasgow fyrir nokkrum árum

Ég hafði lesið um dáleiðslu og vissi að margt mátti bæta með henni, en varð dolfallinn á námskeiðinu yfir því hversu auðvelt var að dáleiða og gera breytingar til batnaðar fyrir fólk.

Þótt nokkrir geðlæknar og sálfræðingar notuðu stundum dáleiðslu vantaði alveg dáleiðendur sem sérhæfðu sig í þeirri grein og ég ákvað þess vegna að halda dáleiðslunámskeið á íslandi, fyrst með kennaranum frá Glasgow og
síðar fékk fleiri kennara til að kenna þróaðri aðferðir.

Tvisvar hefur verið haldið heildarnámskeið Roy Hunter og Charles Tebbetts á Íslandi og þá kennt á ensku.

Margir nemendur töluðu um að betra hefði verið að hafa íslenskan kennara og námsefni á íslensku þess vegna ákvað ég að þýða bækur Roy Hunter.

Árangurinn er bókin Listin að dáleiða - fyrra bindi, sem búið er að þýða en er ekki komin út.

Hægt er að fletta í bókinni á netinu og sjá efnisyfirlit, orðalista og sumt af efninu

Bókin er forsenda þess að námskeiðið verði á íslensku

Roy Hunter hefur nokkrum sinnum kennt dáleiðslu á Íslandi og námskeið hans hafa verið bæði afar fræðandi og skemmtileg.

Hér er hægt að fletta í bókinni, skoða efnisyfirlit og sumt af efninu