Further Information

Eineltisfræðsla - Bókagjöf

Bókin „Má ég vera memm?" fjallar um einelti. Bókin er fallega myndskreytt, einstaklega vönduð, með harðri kápu. Henni er ætlað að höfða til barna á aldrinum 3 til 9 ára. Vönduð og góð bók sem ætti að endast alla vega 10 til 15 ár myndi ég halda.

Mig langar til þess að koma bókinni í alla skóla á landinu. Ætlunin er að gefa hverjum skóla bekkjarsett sem inniheldur 30 bækur. Hvert bekkjarsett kostar um 60.000kr. Settið mun svo ganga á milli bekkja, jafnvel fara heim með nemendum, skapa umræður og svo framvegis.

Til að byrja verkefnið þarf að fá fagaðila til að gera kennsluleiðbeiningar. Kennsluleiðbeiningar eru ætlaðar kennurum svo hægt sé að nýta bókina sem best við kennslu, skapa umræður, spurningar, jafnvel leikrit eða hlutverkahópa og svo framvegis tengt efni bókarinnar. Til að búa til Kennsluleiðbeiningar þarf fagaðila eins og til dæmis kennara, uppeldisfræðing eða jafnvel sálfræðing.

Svona verkefni er kostnaðarsamt, ég geri ráð fyrir að kennsluleiðbeiningarnar kosti í það minnsta €3000.

Þar sem um er að ræða stórt og mikið verkefni geri ég ráð fyrir að þurfa að safna í pörtum. Til dæmis, til að geta gefið öllum skólum á höfuðborgarsvæðinu myndi þurfa €30.000 (4.5 milljónir ísl kr) Ef það safnast svo mikið í fyrstu lotu þá væri það nátturlega æðislegt, en eins og staðan er, þá hafði ég hugsað mér að taka eitt bæjarfélag fyrir í einu, svo ef það næst að safnast €5000 (750.000 ísl kr) þá munu allir skólar í Hafnarfirði fá bókina að gjöf, og svo koll af kolli.

Þeir sem myndu þá byrja á að fá bókina eru:

Hvaleyrarskóli
Öldutúnsskóli
Lækjarskóli
Setbergsskóli
Hraunvallarskóli
Víðirstaðarskóli
Áslandsskóli
Engidalsskóli

Ef það safnast €10.000 (1.500.000 ísl kr) verður hægt að gefa Hafnarfirði, Garðabæ og Kópavogi.

Einstaklingar eða fyrirtæki geta flýtt fyrir söfnuninni með að heita á ákveðna skóla í nafni síns eða fyrirtækis síns.

Bókin "Má ég vera memm?" er byggð á minni eigin reynslu, nema að mín reynsla var töluvert grófari og entist alla mína 10 ára skólagöngu. Eineltið hafði mjög mikil og eyðileggjandi áhrif á mitt líf og er ástæða þess að ég er öryrki í dag. Mig langar til að fræða öll börn landsins um einelti í von um að útrýma einelti! það er stórt verkefni framundan og hlutirnir breytast ekki með einni umræðu, því er mikilvægt að byrja snemma og allir þurfa að hjálpast að!

Fyrstu skólaárin eru mikilvægust og móta komandi ár, sé unnið í vörnum snemma, þá er hægt að koma í veg fyrir margra ára kvalir, miklu máli skiptir að allir fái möguleika til að passa einhver staðar inn og fái svigrúm til að eignast vini.

Bókin fær börnin til að hugsa og kynnast því hvernig er að vera skilin eftir útundan, sýn í líf barns sem á engan hátt er valdur af því sem það upplifir. Barnið nær að geta sett sig í spor annarra og haft kjark til að koma til aðstoðar.

Ef allir leggjast á eitt þá verður hægt að koma bókinni „Má ég vera memm?" í alla skóla landsins. Margt smátt gerir eitt stórt.