Further Information

Við vildum að dóttir okkar fengi að kynnast hestum frá upphafi. Fyrstu tilraunir sýndu að henni fannst þetta óþægilegt, þurfti að sitja á hnakknefinu og var ekki eins stöðug og hægt er að vera og þarf til að líða vel á hestbaki. Með Krummusætinu breyttist þetta, hún hætti að finna fyrir óþægindum og fékk óspillta ánægju af útreiðartúrum.

Okkur langar að koma þessu fína sæti á framfæri og fannst að heimsmeistaramótið í Danmörku væri frábær staður til að ná til sem flestra hestamanna, ekki bara á Íslandi.

Auðvitað kostar svona ferð helling af peningum, við verðum með bás með kynningum á svæðinu í Herning, þurfum að borga fyrir fjölföldun á kynningarefni, leigu fyrir básinn, flug og gistingu.

Því heitum við á ykkur, hestamenn og velgjörðamenn að aðstoða okkur við að koma þessum draumi í framkvæmd.

Krummusæti er auka sæti sem festist á hnakk framan við knapa og er ætlað 3-7 ára börnum. Belti fylgir með sem festir barnið við knapann.

Sætið gerir það að verkum að það er mun þægilegra og öruggara fyrir barnið að sitja. Beltið festir barnið við knapann og því er barnið stöðugra og knapinn er með lausar hendur til að stjórna hestinum. Hingað til hefur fólk farið með börn laus á hnakknefinu sem er mjög óþægilegt og óöruggt fyrir barn og knapa.

Hér í Landanum: http://ruv.is/frett/krakkar-i-krummusaeti

Krummusæti is an extra saddle or seat which is attached to the main saddle on a horse in front of the rider. It is meant for 3 - 7 year old children. The child is strapped to the rider with a special harness.

This seat makes it more comfortable and safer for the child and the rider. The harness frees the riders hands to control the horse.