Ljósmyndasýning eftir Jóhann Smára Karlsson.
To add milestones and tasks to your plan, please send them via e-mail to info@karolinafund.com. Tell us which tasks you have already finished (checked) and which ones are left.
Showing what the plan is for your project helps build trust with potential backers.
Markmið: Á sýningunni verða um þrjátíu ljósmyndir í stærðum frá um það bil 40 x 40 sm. upp í allt að fermetra að stærð. Myndirnar verða prentaðar á úrvals striga og þær strekktar í blindramma. Þeim til verndunar verður lökkuð glær mött akríl filma yfir þær. Fyrir sýninguna verða einnig prentuð, á gæða pappír og í bestu mögulegu prentgæðum, um það bil 100 plaköt í stærðinni A3.
Jóhann Smári Karlsson er fæddur í Reykjavík árið 1961. Hann hefur mundað myndavélina frá því að hann var um það bil tvítugur. Byrjunin var eins og hjá mörgum öðrum, í filmunni sem hann kynntist í listnámi sínu í FB. Frá unga aldri hefur listin verið Jóhanni Smára hugleikin, hann hefur teiknað og málað ásamt því að stunda ljósmyndunina. Eftir langt hlé frá ljósmynduninni, tók hann upp þráðinn árið 2007 er hann eignaðist sína fyrstu stafrænu slr myndavél. Síðan þá hefur leiðin legið upp á við og hefur hann stigið risavaxin skref í þróun sinni sem ljósmyndari, án efa vegna bakgrunns síns í öðrum sjónrænum listum.
Ekki leið langur tími frá því að Jóhann Smári endurnýjaði kynni sín við ljósmyndunina þar til að hann hélt sína fyrstu ljósmyndasýningu og hefur hann einnig tekið þátt í fjölmörgum samsýningum sem og einkasýningum víða um heim. Síðasta einkasýning Jóhanns var í boði Rómaborgar í nóvember árið 2013 en þar var honum boðið að koma til Rómar og setja upp ljósmyndasýningu sem innihélt úrval af bestu verkum hans.
Ljósmyndasýningin hét "Iceland my way" og fékk góð viðbrögð gagnrýnenda. Þá hafa ljósmyndir eftir Jóhann Smára verið birtar í fjölmörgum miðlum, þ.á.m dagblöðum, tímaritum og í sjónvarpi.
Jóhann Smári fylgdist vel með búsáhaldabyltingunni sem fór fram veturinn 2008 og hafa þær ljósmyndir sem hann tók frá því tímabili verið sýndar á einkasýningu hans sem bar heitið "Revolution" á yfir tíu stöðum á Ítalíu.
Árið 2009 var Jóhann Smári kosin ljósmyndari ársins af danska ljósmyndablaðinu Zoom - Danmarks Professionalle Fotomagasin.
National Geographic tímaritið hefur tvisvar sinnum valið ljósmynd eftir Johann Smára sem mynd dagsins á vef sínum
photo of the day horse og photo of the day the arrival
Í dag er Jóhann Smari Karlsson á síðustu önn á upplýsinga og fjölmiðlabraut Tækniskólans
Nýasti viðburður Jóhanns Smára má sjá hér að neðan, þegar myndin hans Firewood - Eldiviður birtist á heilum skýjakljúf við Time Square, í hjarta Manhattan, í New York.
mbl.is 24.07 2014
Íslensk ljósmynd prýddi skýjakljúf.
Jóhann Smári Karlsson, ljósmyndari og málarameistari, á heiðurinn af ljósmynd sem prýddi heilan skýjakljúf á Times Square torgi í New York í síðustu viku. Sjá Facebook síðu Jóhanns Smára
Listasamtök í New York sem heita See.me standa fyrir birtingu myndarinnar, en fleiri þúsund listamenn úr öllum heiminum eru meðlimir í þeim, að sögn Jóhanns. Hver meðlimur gat sent inn myndir og átt möguleika á að birta þær á einum skjánum.
„Mér tókst hinsvegar að selja tíu eintök af myndinni á stuttum tíma, svoleiðis að myndin mín var birt á þeim öllum,“ segir Jóhann í samtali við mbl.is, en hann átti líka [mynd](http://www.mbl.is/frettir/innlent/2013/10/05/hvalfjordurinnaskyjakljufi/) á sambærilegri uppákomu í fyrra.
Myndin í ár var sýnd á fjölmörgum risa auglýsingaskiltum og þakti alls í um tvö hundruð fermetra í hjarta Times Square. Myndin heitir Eldiviður (e. Firewood) og er tekin með 14 mm víðlinsu í Hyde Park í London árið 2007.
„Nú síðast voru samtökin see.me með keppnina Exposure 2014, þar sem keppt er í ýmsum greinum ljósmyndunar, og ég vann keppnina sem landslagsljósmyndari. Það voru náttúrumyndir sem ég tók á Íslandi.“ Jóhann hlaut 1000 dollara verðlaun fyrir vikið auk þess sem myndirnar verða birtar ásamt öðrum sigurmyndum á sérstakri sýningu í New York núna í nóvember og eða desember 2014. „Það er mér mikill heiður.“
Þá hefur hann sýnt myndir sínar oftsinnis í Milanó og Róm. „Þar var ég með myndir sem ég tók af búsáhaldabyltingunni. Svo var líka Goddur prófessor í Listaháskólanum með fyrirlestur um myndbyrtingu búsáhaldabyltingarinnar og notaði þá myndir eftir mig.“
Sigraði úti í heimi en tapaði á Skjá einum.
Jóhann hefur verið að taka ljósmyndir af fullum krafti síðan 2007. „Ég var til dæmis í Ljósmyndakeppni Íslands á Skjáeinum í fyrra. Þar vann ég fyrsta þáttinn og fékk að taka þátt í tveimur öðrum, en datt út og tók ekki þátt í tveimur síðustu.“
Jóhann hefur fengið æ meira að gera í ljósmyndun undanfarið og er að eigin sögn nokkuð vel á veg kominn á þann stað að kalla sig atvinnuljósmyndara. Samhliða aukinnar farsældar í ljósmyndageiranum er minna að gera hjá honum í málningabransanum, en hann hefur verið málari í tuttugu ár. Auk þess sem hann málar og tekur myndir stundar Jóhann nám við Tækniskólann í upplýsinga- og fjölmiðlafræði. „Það getur vel verið að ég fari í framhaldi af því í ljósmyndanám hjá þeim.“
Listaverk og heimildir í senn„ Ég lít á mig sem myndlistarmann í ljósmynduninni, en hver og einn þarf að segja um sig hvernig ljósmyndari hann er,“ segir Jóhann aðspurður um álit hans á ljósmyndun sem myndlistarmiðli.
„Maður sér líka árangurinn svo fljótt. Maður fer út, tekur myndir, fer inn með þær og sér strax árangur verksins. Mér finnst mjög sterkt að geta tjáð mig með ljósmyndun þar sem verkin verða bæði listaverk og heimildir um viðfangsefnið í senn.“
Það næsta sem er bókað hjá Jóhanni er einkasýning í Gallerí Fold við Rauðarárstíg 15. til 29. nóvember næstkomandi. Til sýnis verða myndir frá fjallgöngum Jóhanns með gönguhópnum Fjallagarpar og Gyðjur sem hann hefur tekið síðustu þrjú árin. Áhugasamir geta líka skoðað fleiri myndir Johanns Smara á síðum hans johannsmari.com og IcelandRealMoments.com
Þessa kindalegu mynd tók ég í Vestmannaeyjum í sumar, þegar ég var þar á ferð með vinum mínum úr fjallgönguhópnum Fjallagarpar og -gyðjur. Þetta gæti verið nýjasta myndin á sýningunni.
Þessa mynd tók ég af félögum mínum Fjalla Steina og Lárusi Jónssyni.
Þetta gæti verið elsta myndin á sýningunni
Karolina Fund ehf © 2024 | Kt: 460712-1570 | VAT: 111464