Further Information

ÞÚ skiptir máli forvarnastarf og Tónasmiðjan ætlar að gefa út lagið „Minning um ÞIG“ til stuðnings sjálfsvígsforvörnum á Íslandi og er stefnt að því að lagið komi út þann 10. September n.k. í tilefni af alþjóðlegum degi sjálfsvígsforvarna en árlega standa þau einnig fyrir tónleikasýningunni ROKKUM gegn sjálfsvígum þann dag til að heiðra minningu þeirra sem hafa fallið fyrir eigin hendi.

Þú getur lagt ÞITT af mörkum og keypt lagið hér á Karolinafund fyrir mismunandi upphæðir, og þannig leggur þú málefninu lið og styður sjálfsvígsforvarnir. Öllum kostnaði við útgáfu lagsins verður haldið í lágmarki og mun hluti af því sem safnast hér, fara í útgáfu lagsins.

Allt sem safnast umfram kostnað rennur til Píeta samtakanna á Íslandi.

Höfundur lags og texta ; Minning um ÞIG er Húsvíkingurinn Elvar Bragason sem hefur starfað í tónlist í yfir 30 ár og samið fjölda laga og texta, en hann missti föður sinn fyrir 20 árum síðan og fjallar lagið um þann missi og þann söknuð. Og geta allir tengt við texta lagsins.

hægt er að heyra smá demo "tóndæmi" af laginu hér af soundcloud
https://soundcloud.com/user-961539161/lagi-minning-um-ig-tondaemi
En lagið á eftir að taka á sig miklar breytingar frá þessari hlustun og mun fá á sig nýjan og fallegan búning.

Söngur verður í höndum þeirra Söngvasystra sem eru þær systur Guðný, Bylgja, Harpa og Svava Steingrímsdætur frá Húsavík og verður gaman að vinna þetta með þeim enda miklir reynsluboltar er kemur að söng, en þær hafa komið víða við í tónlistarlífi Húsavíkur, sungið mikið saman og fengið mikið hrós fyrir fallegan söng.

Hljóðfæraleikur verður í höndum nemenda Tónasmiðjunnar ásamt reynslumeiri gesta, sem verða fengnir í verkefnið með okkur.

Útgefandi lagsins er forvarnastarfið ÞÚ skiptir máli og er hægt að lesa sér til um starfsemi ÞÚ skiptir máli og Tónasmiðjunnar inná heimasíðu thuskiptirmali.is - http://www.thuskiptirmali.is/