Further Information

Ég vil kynna ljóðasafn mitt „Arkir sendiboðans,“ en það samanstendur af sjö bókum útgefnum á árunum 1975 – 1988. Sökum minna andlegu veikinda á þeim tímum voru þessar fyrri bækur mínar mjög svo laskaðar bókmenntir. Mér varð ljóst, að ef til endurútgáfu kæmi á bókunum sjö, þá yrði ég að framkvæma „leiðréttingu,“ á hluta ljóðanna í þeim – vegna meints formgalla, sem rekja mátti til míns heilsubrests, þó að síðustu bókinni undanskilinni (Brjálaða Plánetan), sem er nokkuð heilsteypt verk. Því fólst vinna mín í því að fella sumar ljóðlínur í heppilegri skorður, skorðu sem í raun eru þeim eiginlegri. Mér var mjög í mun að breyta ekki grunnmerkingu lína eða ljóðmáls, heldur leitast við að láta ljóðmyndina standa sem næst sinni upphaflegu mynd. Ljóðin í bókinni halda því sinni fyrri merkingu, en hafa þó verið fáguð að allri formgerð, sem og hrynjanda ljóðmálsins. Hér er um að ræða einstaklega vel heppnaða útgáfu. Bókin er 122 bls. prýdd fjölda teikninga frá frumútgáfunum, sem eru eftir sjálfan mig.