Further Information

BJÖRGUM ÍSLENZKRI TUNGU

(fyrir dag íslenzkrar tungu 16. nóvember)

Við lifum á öld einbeitingarleysis og einföldunar. Á öld heiladauðrar afþreyingar. Það hendir okkur öll að „detta í það“ af og til. Horfa á hvert YouTube myndbandið á fætur öðru. Eyða klukkutímum í að skrolla upp og niður Instagram og Facebook. Tékka Snapchat á hálftíma fresti. Horfa á Netflix í heila nótt. Þetta er allt hlutir sem við þekkjum. Það eru allir „sökudólgar“ í þessum efnum, þar á meðal ég sjálfur.

Það eru aðeins 24 tímar í sólarhring. Flestir verja nokkrum tímum í nætursvefn. Síðan þurfum við að vinna, borða, læra, þvo okkur, fara á salernið o.s.frv. Skyldurnar eru margar og strangar. Og frítíminn knappur og dýrmætur. Því væri upplagt ef við gætum nýtt frítímann í afþreyingu sem er uppbyggileg. Afþreyingu sem ræktar hugann.

Vissulega er virðingarvert að mæta í ræktina, passa upp á mataræðið, drekka í hófi, og þar fram eftir götunum. En erum við nógu dugleg að rækta hugann? Erum við jafndugleg að hlúa að toppstykkinu og kroppnum? Það er fátt meira aðlaðandi en víðlesinn heili.

Við getum lifað fótalaus. Við getum lifað handalaus. Við getum meira að segja lifað án vissra líffæra. En hver lifir heilalaus? Heilinn er okkar allra mikilvægasta líffæri. Einmitt af þessum sökum þurfum við að rækta hann. En horfumst í augu við það: hugarrækt er lítt spennandi. Oftast er hún hrútleiðinleg. Þess vegna komum okkur hjá henni …og horfum á Netflix í staðinn. Því það er auðveldara og skemmtilegra.

BYLTING Í ÍSLENZKUM BÓKMENNTUM

Það er kominn tími á breytingar, gott fólk. Það hlýtur að vera einhver von. Hvað ef afþreying gæti verið uppbyggileg fyrir hugann en jafnframt S-T-Ó-R-skemmtileg?

Góðir hálsar, ég hef að geyma lausnina á stærsta vanda samfélagsins. Gleymdu Netflix! Ég kynni til sögunnar ljóðabókina VÍGSLU! Stíll hennar er einstakur. Efnistökin margslungin. Hún á sér engan líkan. Ljóðabókin Vígsla er birtingarmynd breytinganna sem allir hafa þráð. Hún er sönn bylting í íslenzkum samtímabókmenntum.

UPPRISA LJÓÐSINS

Vígsla er væntanleg í verslanir í byrjun desember. Með útgáfu Vígslu tek ég mér fyrir hendur veigamesta verkefni 21. aldarinnar. Ég endurvek ljóð í bundnu máli. Ég vígi háttbundinn skáldskap til vinsælda á ný. Ég blæs lífsneista í ljóðlistina – eins og Jesús Kristur í Lazarus. Eins og læknir í hjartasjúkling. Eins og ástin í einmana konu eða mann. Kæru vinir – örvæntið eigi – því ljóðið mun vakna til lífsins. Ljóðið mun upp rísa!

Ljóðin mín eru svarið við öllum þínum vandamálum. Ljóð eru besta lestrarefni sem völ er á. Að byrja á ljóði er engin skuldbinding. Ekki eins og byrja á 400 blaðsíðna skáldsögu – sem þú klárar aldrei. Ljóðin mín eru nógu stutt til að þú getir lesið þau hvenær sem er. Nógu löng til að þú náir að gleyma þér yfir þeim. Kæri lesandi, sígild íslenzk ljóð eru hin fullkomna afþreying. Þau eru draumur allra landsmanna – því þau eru Netflix-þættir sem rækta heilann. Síðan er hægur leikur að „binge-lesa“ ljóðin í Vígslu með því einfaldlega að drekka bókina í sig í einni atrennu. Trúðu mér, toppstykkið þitt mun standa í ævarandi þakkarskuld við þig, fyrir að velja rétt. Veljum íslenzka tungu. Veljum Vígslu!

BJÖRGUNARAÐGERÐIR

Kæri lesandi, takk fyrir að komast svona langt. Ég er ljóðskáldið Engill Einisson og ég er fæddur í ágúst 1998. Ritstörf eiga hug minn og alla sál. Ljóðlist og skrif eru ástríðan í lífi mínu. Ég elska það sem ég geri. En umfram allt elska ég að þjóna þeim sem ég elska: íslenzku þjóðinni. Vígsla er tileinkuð þjóðinni minni. Án hennar stuðnings væri starf mitt í þágu íslenskrar listsköpunar ekki mögulegt.

Mig dreymir um að hefja feril sem sjálfstætt starfandi skáld. Innblásturinn streymir til mín í sífellu: hugmyndir að ljóðum, skáldsögum, leikritum og smásögum. Getur þú hjálpað mér að láta drauminn rætast? Getur þú hjálpað mér að fjármagna útgáfu Vígslu?

ÉG BÝÐ ÞÉR UM BORÐ

Við þurfum að bjarga íslenzkri tungu. Ég býð þér um borð í björgunarþyrluna. Vélin hefur verið ræst. Og þyrluspaðarnir snúast af ógnarkrafti. Hávaðinn er orðinn svo mikill að ég þarf nú að öskra: „Við erum um það bil að hefja okkur á loft, gott fólk. Það er nægt rými fyrir alla – svo fjölmennum um borð í björgunarþyrluna!“

Fleiri og fleiri eru komnir um borð. Fréttir af björgunarþyrlunni berast um landið eins og eldur í sinu. „Við erum að taka á loft í þessum töluðu orðum. Við erum að ráðast í mikilvægustu björgunaraðgerðir sem unnar hafa verið frá upphafi tíma. Óttastu að geta ekki sagt barnabörnunum þínum neinar spennandi sögur í framtíðinni? Óttastu að hugsa með þér á grafarbakkanum að þú hefðir viljað taka fleiri sénsa? Upplifa fleiri ævintýri í lífinu?

Ævintýrið er hér. Tækifærið er núna. Þetta er tækifærið fyrir þig til að hljóta tignarheitið sem allir þrá að bera… Eftir hverju ertu að bíða? Þú kemur á fullkomnum tíma. Stökktu um borð í björgunarþyrluna núna og hafðu bein áhrif á íslenzka tungu! Það er þér að þakka að komandi kynslóðir verða arfleiddar að tæru og hreinu tungumáli.

Fólk sækir í erlenda afþreyingu eins og Netlix og YouTube í æ ríkari mæli – og á meðan grætur íslenzka tungan. Hún er sorgmædd yfir því að Íslendingar séu að missa áhugann á henni. Hún hefur trú á okkur. Tungan elskar okkur. Við erum Íslendingar. Við erum hennar eina von.

ÞÚ ERT HETJA ÞJÓÐARINNAR

Með því að styrkja Engil – með lágri upphæð eða hárri – vinnur þú óendanlega mikið góðverk. Styrkur þinn er sigur íslenzkra bókmennta. Framlag þitt breytir landslagi íslenskrar þjóðmenningar. Ímyndaðu þér möguleikana! Aðgerðir þínar munu breyta raunveruleikanum. Þú hjálpar ungum Engli að vaxa í listinni. Þú hjálpar mér að verða betur í stakk búinn að þjóna lesendum mínum. Og í leiðinni hjálpar þú öðrum. Þú hjálpar íslenzku þjóðinni eins og hún leggur sig.

Ég, Engill Einisson, er í þjónustu íslenzku þjóðarinnar. Og þjóðin hefur ekki efni á því að okkar ástkæra ylhýra móðurmál geispi golunni.

Hlutverk skálda hefur í gegnum tíðina verið einfalt: Að bæta við íslenzkan bókmenntaarf. En á 21. öldinni er hlutverkið öllu flóknara: Það dugar ekkert minna en að bjarga íslenzkri tungu.

Viltu slást í lið með mér? Viltu hjálpa mér að endurvekja íslenzka ljóðlist? Að vígja ljóðlistina til vinsælda er nauðsynlegur liður í að bjarga íslenzku tungunni.

VIÐ ERUM SIGURLIÐIÐ

Þetta er stríð. Dragið upp sverð og skildi. Við ætlum að koma íslenzku afþreyingarefni inn á markaðinn, til að keppa við erlendu óvinina. Þetta er orrusta á milli bókarinnar minnar og Netflix. En ég veit að við munum vinna. Við erum sterkari. Með okkar sameiginlega STRÍÐSHUG – með okkar sameiginlegu ÁST í garð móðurmálsins, er okkur sigurinn vís. Íslenzk tunga er okkar dýrasta stolt. Og íslenkza stoltið er öllum öflum æðra. Sigurinn er í okkar höndum!

Með því að sameinast öll árið 2018 – munum við láta drauminn rætast. Þetta er ár sem enginn mun gleyma. Hjálpum Engli að endurvekja íslenzka ljóðlist!

En við þurfum að sameinast til að geta unnið. Sameinast gegn óvininum! Það þýðir að ef þú varst að pæla í að hofa á Netflix á eftir, þá styrkirðu Engil fyrst og horfir svo. Ég veit að þetta er erfitt. En þetta er spurning um líf eða dauða. Berjumst öll fyrir lífi móðurmálsins. Tökum höndum saman og vekjum íslenzka ljóðlist til lífsins! Í nafni íslenzka stoltsins og í krafti fjöldans, munum við láta drauminn rætast. Allar hindranir eru horfnar úr vegi. Kæru vinir, ljóðið mun upp rísa!

Til hafa efni á umbroti og prentkostnaði, þarf ég á ykkar stuðningi að halda. Mig vantar aðstoð systra og bræðra minna í listinni. Við þurfum að prenta Vígslu í sem STÆRSTU upplagi.

Við þurfum að koma íslenzkri afþreyingu í hendur sem flestra fyrir jól. Mundu að ljóðabókin Vígsla er tileinkuð íslenzku þjóðinni. Fögnum jólunum 2018 með háttbundnum ljóðum eftir Engil Einisson.

GUÐ BLESSI ÞIG

Kæri styrktaraðili, ég get aldrei vottað þér þakklæti mitt almennilega. Guð hefur sent þig. Þú ert gersemi! Þakka þér hjartanlega fyrir leggja íslenzku þjóðinni lið. Takk fyrir að efla íslenzka listsköpun.

Til hamingju með sigurinn! Þú ert meðlimur í stærsta sigurliði þjóðarinnar. Til hamingju með innvígsluna í björgunarsveit íslenzkrar tungu.

Þú hefur formlega tekið þátt í veigamesta verkefni 21. aldarinnar. Það þarf ekki fleiri vitnanna við að þú hefur hlotið tignarheitið… þjóðhetja.

Kæru landar, ljóðið mun upp rísa!

SÝNISHORN ÚR LJÓÐABÓKINNI VÍGSLU

Höfundarréttur © Engill Einisson 2016-2018. Öll réttindi áskilin.



Brot úr FRÆGÐ

Mig langar að ganga eftir Laugarvegi,
að landsmenn augunum eftir mér eygi;
að töfrandi stúlkur af leið sinni sveigi,
spyrjandi mig hvað um spássitúr segi.

Ég ímynda mér því næst innkaupaferð.
Þú arkar um Kringluna og allt sem þú sérð
eru stóreygðar stúlkur og upplitsdjörf mergð,
– úr skaranum skáldmæltur, ungur þig skerð.

– Og berð höfuð og herðar yfir þá er,
hræðast að ganga í berhögg – ég sver –
við óttann sem orkunni allri’ í það ver
að andmæla þeim, sem á draumvit sín fer.

Ég fer ekki ofan af því, það er puð
að þykjast ei heyra’ ykkar smámennatuð.
En eið minn mun efna – þó sé ykkur stuð.
Ef óttinn er andskotinn þá er ég Guð.

Við þennan eið legg ég ýtrustu rækt
því innst inni veit ég að það er allt hægt.
Þótt spili’ inn í öfund og annað ótækt
mun útvalið fólk ætíð verða heimsfrægt.

Nú hef ég lagt í belg orð afar brýnt,
í burtu’ er nú huliðssjal kvíar örfínt.
Samferðafólki hef ég áform mín sýnt,
en sem betur fer, vininum góða ei týnt.


Brot úr UNNUSTU

Ég óska mérunnustu, konu sem að
elskar mig alltafhreint og sama hvað!
Hún auk ýmissannars skal indæl vera
og innrætt afkostgæfni er eigi verra.
Hún ástríðu mínaþarf, eldhuga’ og þrár
að þykja svo væntum að fram spretti tár.
Ég óska mér hjartagóðs, gullnustu gerðar,
og gangráður þessslái’ í takt minnar ferðar.

– Ó, ef héldirðu mér um herðar…

Förin er háskaför,ég heiti þó því
að hætt hefur þúþér ei fyrir bí.
Við skulum gangaum gilskorin fjöll,
ganga tvö saman aðdraumanna höll.
Þar bíða okkurgimsteinar, gull og heil hirð
og grænustu skógarog allt sem þú spyrð!
Vertu, mey,velkomin – þetta er mín ferð.
– Mund þinna ástaþú augum nú berð.

– Aðeins augu aftryggustu gerð.


Brot úr SPÁDÓMI STARANNA

Lengi hef ég beðið, beðið grafkyrr,
og bíð nú af óværð sem áður ei fyrr.
Ætla mér augun ei svarið birta
er ár eftir ár ég svo þrásinnis bað,
þarf svona eilíft í álinn að syrta;
með ástina að tefla á tæpasta vað?

Þau virða ei þá von sem í huga mér sáði
– úr vegi henni velta af ásettu ráði.
Saklausa fræið svo fíngert örsmátt
sem glóir af frið og framtíðarhorfum
þarf einmana að dúsa í dimmu ósátt;
ósprottið undir gagnfreðnum torfum.


Brot úr KLÓSETTKETTI

Eitt mun aldrei breytast,
ávallt vera’ í gildi.
Eðli þeirra’ er brigðult
að undanskildu því.
Erfitt er að vita
áætlanir þeirra,
síður þó að þykjast
þeim geta breytt.


Brot úr TÖFRADÍSINNI

Dís með dreng í eftirdragi
í dal sinn skundar nú.
Lundernið með besta lagi;
ljúf hún er og trú.

Ber að augum brosið blítt,
bjartar sólarbjörmum.
Og sveininn bræðir hjarta hlýtt.
Þau herðar vefja örmum.


Brot úr SILFURGRÁR

Ég er mitt ámilli góðs og ills;
meiriháttarvandi miðjuna að sjá.
Blanda svartsog skjannahvíts,
já segðu mér,er sál mín silfurgrá?
Ég er fæddurtil að finna til;
fórna mérfyrir góðmennskuna.
En valdið ogvirðinguna vil,
veraldleganautn og ævintýr.