Partíspil fyrir alla aldurshópa
Hver myndi? er skemmtilegt spil fyrir 10 ára og eldri. Í upphafi leiks velja spilarar sér tákn og deila því tákni milli meðspilara sinna. Í hverri umferð er lagt út spjald með spurningu sem byrjar á orðunum “Hver myndi…” og leggja spilarar út spjald með tákni þess spilara sem þeir telja líklegastan til að gera það sem stendur á spjaldinu. Einn spilari tekur við atkvæðunum og stokkar þau áður en hann kíkir á þau. Hann greinir síðan frá atkvæðunum á eins dramatískan hátt og mögulegt er og fær sá sem hlýtur flest atkvæði stig. Ef atkvæði falla jafnt fær enginn stig.
Til að tryggja að spilið sé skemmtilegt fyrir alla þá er gullna reglan þessi: “Ekki vera hálfviti”.
Sá sem fyrstur fær 10 stig hefur unnið spilið.
Í spilinu eru 220 spurningar.
Ofurtilboð eru leið til að verðlauna þá sem styðja verkefnið snemma. Þau eru öll lægri en áætlað útsöluverð spilsins. Tilboð #1 er best en mun væntanlega klárast fljótt. Þá er vænlegast að velja Tilboð #2 og svo framvegis.
Þeir sem vilja kaupa tvö eða fleiri spil fá alltaf betra verð en þeir sem kaupa bara eitt eintak.
Stórfyndið og einfalt spil fyrir 3-10. Hver spilari fær 10 „komment“ á hendi. Í hverri umferð er einn ritstjóri sem leggur út „fyrirsögn“. Hinir spilararnir leggja síðan „komment“ í púkkið. Ritstjórinn velur kommentið sem honum þótti skemmtilegast í samhenginu og spilarinn sem lagði það út fær stig.
Langflest kommentin eru byggð á raunverulegum athugasemdum frá íslenskum netverjum. Þannig fær maður þá raunveruleikatilfinningu sem fylgir óstjórnlegri reiði, stafsetningarvillum og handahófskenndri notkun á greinarmerkjum. Þó er rétt að nefna að jafnvel eðlilegustu athugasemdir geta orðið stórfyndnar þegar þær eru settar í rangt samhengi. Spilið hentar 13 ára og eldri, það inniheldur nokkuð af dónalegum orðum sem flest grunnskólabörn þekkja.
Látbragð er, eins og nafnið gefur til kynna, látbragðsleikur eða á góðri íslensku Actionary. Það eru sex flokkar; fólk, kvikmyndir og sjónvarpsþættir, lög, stofnanir og fyrirtæki, bækur og orðtök, allt íslenskt. Spilarar skipta sér í lið og skiptast á að leika meðan liðsfélagarnir giska. Ef liðinu tekst að giska á rétt svar, innan 2 mínútna, fær liðið stig. Leiknar eru sex umferðir og verður hvert lið að leika titil úr öllum flokkum. Það lið sem hefur fleiri stig í lokin vinnur.
Spilið er fyrir 12 ára og eldri. Yngri börn geta þó spilað með. Spilið er fyrir fjóra eða fleiri. Gott er að miða við að liðin séu 2-4, með 2-5 spilara í hverju liði. Ef liðin eru tvö tekur hver leikur um 15-20 mínútur. Í spilinu eru 100 spjöld með titlum úr flokkunum sex.
Karolina Fund ehf © 2024 | Kt: 460712-1570 | VAT: 111464