Further Information

Enn einu sinni hef ég hrundið af stað söfnun fyrir útgáfu bókar á Karolina Fund. Er það einlæg von mín að þið takið umleitan minn vel og láti fé af hendi rakna í söfnuna, í staðinn fyrir áritað eintak af hinni nýju bók, Nótt í Níðhamri (eða það sem í boði er). Ég get lofað ykkur því að þið verðið ekki svikin af bókinni, sem er að vissu leyti líka myndlistarverk, en jafnframt því að vera rithöfundur er ég myndlistarmaður. Það hefur þróast þannig síðustu misseri að þessi tveir, skáldið og málarinn (í mér) hafa verið að færast nær hvor öðrum í sköpunarstarfinu, sem er vissulega ánægjulegt. Lifið heil! Kveðja. Bjarni Bernharður. (bjarnibb@gmail.com- GSM: 6630294)

MAÐUR

Hugurinn
er vængir þínir

og víst
gætir þú flogið
væru þeir ekki stýfðir.

LJÓSTÝRAN

Mál er að linni, soðningin komin í pottinn, nýjar kartöflur og vestfirðingur. Dagarnir, vikurnar, árin líða og fyrr en varir gengur ævisólin til viðar. Og hvað stendur eftir? Fátt eitt – nema maður hafi verið svo forsjáll að reisa sér bautastein. Eins og Bakkabræður, sem reyndu að bera ljósið inn í bæinn; hef ég reynt með listsköpun sinni að bera ljósið inn í hina myrku veröld. Hvort mér tókst það fæ ég sannast aldrei að vita. Það er þó huggun harmi gegn að aldrei sveik ég gyðjuna – meðan ljóstýra lífs mín blakti.

VORHUGUR

Undurblítt kemur vorið
með blóm í haga

að hvíla
við bunulækinn
verður yndislegt
– hefjast til frjórra þanka.

HAMINGJUHJÓLIN

Lengi tekur mannhafið við markaðssorpinu. Verðmætasóun er fylgifiskur offramleiðslu. Vöruhús heimsins eru troðfull af varningi sem nýtist manninum aldrei – í dagsins önn. Í hinum kapítalíska heimi er hraði og umfang framleiðslunnar stjórnlaus og ræðst af gróðafíkn en ekki af þörfum mannsins. Færiböndin stöðvast ekki allan ársins hring – gubba inn á markaðinn lífsstílsblekkingum, peningaguðinum til dýrðar.

*
Maðurinn þarf í raun ekki mikið af veraldlegum gæðum til að skapa sér lífshamingju. Hin andlegi seimur eru grunnur vellíðunnar.

BORGARTÚN
Tileinkað Guðmundi Andra

Í tímavél sinni flakkaði Gandri
um Borgartún fortíðar

þarna var kona með barnavagn
og ökuþór sem spilaði Mozart
líka fólk sem rölti í makindum
um götuna gráu.

Í tímavél sinni komst Gandri
aftur til Borgartúns nútíðar
en fékk kaldar kveðjur

frá hjólreiðamanni í núvitundarflæði
sem þeyttist áfram á köflóttri braut
FUCK YOU!

PÍRATABLÓMIÐ

Eftir að hafa legið undir feldi tel ég mig vita hvar best sé að planta Píratablóminu í hinu pólitíska litrófi. Í útfjólubláa reitnum. þar blása hlýir vindar og jarðvegurinn er gjöfull og frjór. Vel fer á því að stefnan verði kölluð „nýraunsæishyggja“ og að hún spanni vítt um sviðið, þannig að jaðrarnir, öfga hægri til öfga vinstri, renni saman og myndi hringrás um allt litrófið. það er í anda hreyfingarinnar og munu þá allir geta setið í sátt við sama borð.

LIFUN

Andans glíman
er að sönnu
lifun

svífa
um hugarhvel
á silfurvængjum.

SPAKS MANNS SPJARIR

Ástin er gatslitin flík
sem hæfir ekki
hinum eðla BBB

– sem klæðir best
að vera hataður.

Ástar haturs blanda
hið köflótta hýjalín
er ögrandi klæðaval
– síður að hans skapi.

Við hrynjanda
ljóss
og myrkurs
undir geislaflóði
hins ískalda haturs

fækkar sálarspjörum
til sannleikans nektar

hinn djöfullegi BBB.

PLAKÖT SEM Í BOÐI ERU

1.

2.

MÁLVERK SEM Í BOÐI ERU.

Mynd nr. 1

Mynd nr. 2

Mynd nr. 3

Mynd nr. 4

Mynd nr. 5

BBB OG SKÍRLEIKI LITANNA

Bjarni Bernharður hefur fengist við myndlist lengi en málverk hans hafa þróas hratt á síðustu árum. Lengi vel vann hann t.d. bæði með akrýl- og olíuliti en
hefur nú einbeitt sér alfarið að olíulitunum. Með þeim er hægt að ná fram meiri
dýpt og lífi í litaflötunum og þeir bjóða upp á flóknara skuggaspil og fínlegri
litbrigði. Bjarni nýtir þessa eiginleika þó öðru vísi en flestir málarar. Málverk
hans eru björt og byggð upp af líðandi formum í hreinum, afgerandi litum.
Hann leyfir litunum sjaldan að renna saman heldur lifir hver flötur sínu
lífi og myndbyggingin snýst um að láta þessi litaform takast á og ná samhljómi á myndfletinum. Birtan, litagleðin og vandlega afmarkaðir fletirnir eru sterkustu höfundareinkenni Bjarna.

Málverk Bjarna síðustu árin eru flest abstraksjónir þótt stundum megi greina í þeim landslag eða jafnvel andlit. Hann beitir þó oftast sömu nálgun hvort sem myndirnar eru algerlega óhlutbundnar eða ekki; liturinn og
samspillitaflatanna eru alltaf í fyrirrúmi. Það er ótrúlega vandasamt að mála eftir þessari aðferð, að láta litina spila saman þannig að úr verði áhugaverður samhljómur.

Jón Proppé
Listheimspekingur