Further Information

Söngkonuna Helenu Eyjólfsdóttur þarf vart að kynna, - hún er fyrir löngu komin í þann hóp listamanna sem við köllum þjóðargersemi. Hún hefur sungið fyrir okkur í rúm 60 ár og til eru hljóðritanir með henni allt frá því hún var 9 ára gömul að syngja í barnatíma ríkisútvarpsins, 15 ára að syngja á rokktónleikum í Austurbæjarbíói og síðar með Atlantic kvartettinum ásamt Óðni Valdimarssyni, hljómsveit Ingimars Eydal og hljómsveit Finns Eydal, - sem sagt, fullt af söngperlum sem fylgt hafa okkur í gegn um árin, en þrátt fyrir allt það sem er til hljóðritað með henni, hefur hún aldrei gefið út plötu í eign nafni, að undanskyldum nokkrum tveggja laga plötum í upphafi ferils. En þar verðurbreyting á núna á næstu vikum, því hún hefur undanfarin misseri verið að vinna að upptökum á nýju efni undir stjórn Karls Olgeirssonar. Um er að ræða nokkur erlend uppáhaldslög sem hún hefur látið gera íslenska texta við og svo ný íslensk lög eftir þá Magnús Eiríksson, Jóhann G. Jóhannsson, Ingva Þór Kormáksson og Karl Olgeirsson, - allt lög sem ekki hafa komið út áður. Í einu laganna syngur hún geysifallegan dúett með Þorvaldi Halldórssyni, en þau sungu marga ógleymanlega dúettana á árum áður með hljómsveit Ingimars Eydal.

Upptökur hafa staðið yfir í sumar og Helenu til aðstoðar á þessari plötur eru;
Karl Olgeir Olgeirsson – upptökumaður auk þessa að leika á píanó, rafpíanó, hammond, synthar og rhodes o.fl..hljf...
Stefán Már Magnússon – gítarar, rafbassi, banjó, slagverk o.fl. hljf...
Sigurður Flosason – tenór saxófónn
Þorvaldur Halldórsson - söngur
Sigríður Eyrún Friðriksdóttir - söngur
Friðrik Ómar Hjörleifsson - söngur
Jón Rafnsson - kontrabassi
Matthías Stefánsson - fiðla
Bryndís Björgvinsdóttir - selló
Hlín Erlendsdóttir – fiðla
Laufey Pétursdóttir - lágfiðla
Margrét Þorsteinsdóttir – fiðla

lagalisti:
Að eilífu (lag: Boz Scaggs / texti: Bragi Bergmann)
Augun blíð (lag og texti: Jóhann G.Jóhannsson)
Enginn veit (lag: Manuel Alejandro, Ana Magdalena / texti: HermannIngi Arason)
Glitra gullin ský (lag: Victor Young / texti: Eiríkur Karl Eiríksson)
Í rökkurró (lag: Al Nevins, Morty Nevins, Artie Dunn / texti: Jón Sigurðsson)
Lúka af mold (lag og texti: Magnús Eiríksson)
Manstu? (lag: Ingvi Þór Kormáksson /texti: Bragi Bergmann)
Reykur (lag og texti: Karl Olgeirsson)
Rós (lag: Amanda McBroom / texti: ÓmarRagnarsson)
Saman á ný (lag: Karl Olgeirsson /texti: Bragi Valdimar Skúlason)
Undurfagra líf (lag: Ingvi ÞórKormáksson / texti: Bragi Bergmann)