Bók og geisladiskur
To add milestones and tasks to your plan, please send them via e-mail to info@karolinafund.com. Tell us which tasks you have already finished (checked) and which ones are left.
Showing what the plan is for your project helps build trust with potential backers.
Í haust kemur út nýtt tónlistarævintýri fyrir börn byggt á gömlum íslenskum munnmælasögum. Tónlist og saga er eftir Báru Grímsdóttur tónskáld en söngtextar eftir Helga Zimsen. Bókin er myndskreytt af Höllu Sólveigu Þorgeirsdóttur og fylgir henni geisladiskur með tónlistinni og sögu verksins og er Margrét Eir söngkona í hlutverki sögumanns. Einnig spilar kammerhópur undir stjórn Magnúsar Ragnarssonar og stúlknakór syngur með. Við leitum eftir aðstoð til við að fjármagna þessa spennandi útgáfu og kynna fyrir íslenskum börnum gömul íslensk ævintýri á góðri íslensku.
Sagan segir frá sagnamanninum Sölva sem fær vinnu hjá Oddi kóngi. Þegar Sölvi kveður móður sína segir hún honum að hún hafi eitt sinn verið sótt til að taka á móti barni í álfheimum og fengið að launum lukkustein sem var huliðssteinn. Hún gefur syni sínum steininn sem kveðjugjöf. Sölvi fékk vinnu hjá kóngi með því skilyrði að hann verði að segja kónginum á sumardaginn fyrsta á hvaða hátt hann sé öðruvísi en aðrir. Sölvi gengur að því en fer fram á að fá að sofa í sama herbergi og kóngurinn. Á jólanótt fer Oddur út úr herberginu og Sölvi nýtir sér töfra huliðssteinsins og læðist á eftir honum. Kóngurinn fer inn í álfaborg og Sölvi sömuleiðis. Sölvi sér þá að Oddur er ekki lengur kóngur heldur álfadrottning og það eru álfakóngur og börn sem bíða hans. Veisla er haldin í höllinni og Sölvi heyrir á tali þeirra hjóna að mikilvægt sé að gátan um Odd sé leyst því annars muni þau hjón ekki sjást aftur. Sölvi hverfur á braut og er lagstur upp í rúm þegar Oddur snýr aftur í karlmannsklæðum. Á sumardaginn fyrsta segir Sölvi við Odd að honum fari best rauði drottningarkjóllinn. Þá er álögunum létt. Allt fer því vel á að lokum.
Verkið var frumflutt á tónlistarhátíðinni Myrkum músíkdögum í janúar 2016 við góðar undirtektir.
Karolina Fund ehf © 2024 | Kt: 460712-1570 | VAT: 111464